അഭിറാം മനോഹർ|
Last Modified ബുധന്‍, 18 സെപ്‌റ്റംബര്‍ 2024 (16:30 IST)
കേരളത്തില്‍ ഫുട്‌ബോള്‍ അക്കാദമി ആരംഭിക്കുന്നതിനും സൗഹൃദ മത്സരത്തിനും അര്‍ജന്റീനന്‍ ഫുട്‌ബോള്‍ അക്കാദമി സന്നദ്ധത അറിയിച്ചതായി കായികമന്ത്രി വി അബ്ദുറഹിമാന്‍. കേരളത്തിലെ കായിക സമ്പദ് വ്യവസ്ഥയെ ശക്തിപ്പെടുത്തുന്നതിന്റെ ഭാഗമായാണ് അര്‍ജന്റീനന്‍ ഫുട്‌ബോള്‍ ഫെഡറേഷനുമായി ചര്‍ച്ച നടത്തിയതെന്നും അബ്ദുറഹിമാന്‍ പറഞ്ഞു.
നവംബര് ആദ്യത്തില്‍ അര്‍ജന്റീനന്‍ ഫുട്‌ബ്ബോള്‍ അധികൃതര്‍ കൊച്ചിയിലെത്തി ഗ്രൗണ്ട് പരിശോധിക്കുമെന്നും ഈ ഘട്ടത്തില്‍ കായിക അക്കാദമിയുമായി ബന്ധപ്പെട്ട കരാര്‍ ഒപ്പുവെക്കാനാകുമെന്നും കായിക മന്ത്രി പറഞ്ഞു. കേരളത്തില്‍ കളിക്കാന്‍ കഴിയുന്ന ഒരേ ഒരു സ്ഥലം കൊച്ചിയാണ്. അര്‍ജന്റീനന്‍ ഫുട്‌ബോള്‍ ഫാന്‍സില്‍ മൂന്നിലൊന്നും ഇന്ത്യയിലാണ്. പ്രത്യേകിച്ചും കേരളത്തില്‍ അതുകൂടി കണക്കിലെടുത്താന്‍ അര്‍ജന്റീന സന്നദ്ധത അറിയിച്ചത്. 100 കോടിയിലധികം ചെലവ് വരുമെന്നാണ് കരുതുന്നത്. ഇതിന് മുന്‍പ് ഡല്‍ഹിയിലെ കളിയില്‍ നിന്നും ഓള്‍ ഇന്ത്യ ഫുട്‌ബോള്‍ ഫെഡറേഷന്‍ പിന്മാറാന്‍ കാരണം ഈ ചെലവാണെന്നും എന്നാല്‍ കേരളം പോലൊരു സംസ്ഥാനത്ത് അതിനായി ശ്രമിക്കാമെന്ന് പ്രതീക്ഷയുണ്ടെന്നും മന്ത്രി കൂട്ടിച്ചേര്‍ത്തു.
