മൂന്ന്‌ വയസുകാരിയെ ലൈംഗികമായി പീഡിപ്പിച്ച ശേഷം കഴുത്തറുത്ത്‌ കൊല്ലാന്‍ ശ്രമം. പഞ്ചാബിലെ ലുധിയാനയിലാണ്‌ സംഭവം നടന്നത്. പീഡനത്തിനിരയായ കുട്ടിയെ ആശുപത്രിയില്‍ പ്രവേശിപ്പിച്ചു.

പ്രദേശത്ത് പച്ചക്കറി കച്ചവടം നടത്തുന്ന ആളാണ് കുട്ടിയെ പീഡിപ്പിച്ച്‌ കൊലപ്പെടുത്താന്‍ ശ്രമിച്ചത്‌. കച്ചവടക്കാരന്‍ കുട്ടിയെ വീട്ടില്‍ നിന്നും കൂട്ടിക്കൊണ്ട്‌ പോവുകയും പീഡിപ്പിച്ച ശേഷം കുട്ടിയുടെ കഴുത്ത്‌ അറുത്ത്‌ കൊലപ്പെടുത്താന്‍ ശ്രമിക്കുകയായിരുന്നെന്നും കുട്ടിയുടെ പിതാവ്‌ പറഞ്ഞു. രക്‌തത്തില്‍ കുളിച്ച നിലയില്‍ കണ്ടെത്തിയ കുട്ടിയെ ഉടന്‍ തന്നെ ആശുപത്രിയില്‍ എത്തിച്ചു. കുട്ടി അപകടനില തരണം ചെയ്‌തതായി ആശുപത്രി അധികൃതര്‍ അറിയിച്ചു.

കഴുത്തില്‍ മാരകമായമുറിവുമായാണ്‌ കുട്ടിയെ ആശുപത്രിയില്‍ എത്തിച്ചത്‌. കുട്ടിയുടെ കഴുത്തില്‍ നിന്നും അമിതമായ തോതില്‍ രക്തം ഒഴുകുന്നുണ്ടായിരുന്നു. പീഡിപ്പിച്ച ശേഷം കുട്ടിയെ കൊലപ്പെടുത്താന്‍ കച്ചവടക്കാരന്‍ ശ്രമിച്ചതാണ്‌ ഇതിനു കാരണമായതെന്നും ഡോക്‌ടര്‍ വ്യക്തമാക്കി.