സര്‍ക്കാര്‍ ചീഫ് വിപ്പും കേരള കോണ്‍ഗ്രസ് (എം) വൈസ് ചെയര്‍മാനുമായ പി സി ജോര്‍ജിനെ പാര്‍ട്ടിയില്‍ നിന്ന് പുറത്താക്കണമെന്ന് ആവശ്യപ്പെട്ട് കേരള കോണ്‍ഗ്രസ് (എം) മാവേലിക്കര മണ്ഡലം കമ്മിറ്റി. പ്രമേയം കമ്മിറ്റി പാസാക്കി.

കേരളാ കോണ്‍ഗ്രസിന്റെ ഔദാര്യം കൊണ്ട് ലഭിച്ച ചീഫ് വിപ്പ് സ്ഥാനം പി സി ജോര്‍ജ് രാജിവെയ്ക്കണമെന്നും പ്രമേയം ആവശ്യപ്പെട്ടിട്ടുണ്ട്.

മാണിക്കെതിരെ പി സി ജോര്‍ജ് നിരന്തരം നടത്തുന്ന പരാമര്‍ശങ്ങള്‍ ആണ് പ്രമേയത്തിന് ആധാരം. മാണി ബജറ്റ് അവതരിപ്പിച്ചാല്‍ , പ്രതിപക്ഷം ഒഴുക്കുന്ന ചോരപ്പുഴ നീന്തിക്കടക്കാന്‍ തനിക്ക് കഴിയില്ലെന്ന് കഴിഞ്ഞദിവസം പി സി ജോര്‍ജ് പറഞ്ഞിരുന്നു. ഇത് കേരള കോണ്‍ഗ്രസ് (എം) അനുകൂലികളെ ചൊടിപ്പിച്ചിരുന്നു.