സ്റ്റേറ്റ് ബാങ്ക് ഓഫ് ട്രാവന്‍കൂറില്‍ നിന്ന് താല്‍ക്കാലിക ജീവനക്കാരെ പിരിച്ചുവിടുന്നു. എസ് ബി ഐ ലയനത്തിന്റെ ഭാഗമായാണ് പിരിച്ചുവിടല്‍. ഇതു സംബന്ധിച്ച് എച്ച് ആര്‍ വിഭാഗം ഉത്തരവ് പുറപ്പെടുവിച്ചു കഴിഞ്ഞു.

ചൊവ്വാഴ്ചയും ബുധനാഴ്ചയുമായി സ്റ്റേറ്റ് ബാങ്കിന്റെ അസോസിയേറ്റ് ബാങ്കുകള്‍ പണിമുടക്കിന് ആഹ്വാനം ചെയ്തിരിക്കുകയാണ്. ഈ പശ്ചാത്തലത്തിലാണ് പിരിച്ചുവിടല്‍ പ്രഖ്യാപിച്ചിരിക്കുന്നത്.

എസ് ബി ഐയുടെ നിര്‍ദ്ദേശപ്രകാരമാണ് നടപടിയെന്നാണ് എച്ച് ആര്‍ സര്‍ക്കുലര്‍. അതാതു ശാഖകളില്‍ താല്‍ക്കാലിക ജീവനക്കാര്‍ ഇല്ലെന്ന് ഉറപ്പു വരുത്തണമെന്ന് സര്‍ക്കുലര്‍ നിര്‍ദ്ദേശിക്കുന്നു. നിലവില്‍ ആരെങ്കിലും താല്‍ക്കാലിക ജീവനക്കാരായി തുടരുന്നുണെങ്കില്‍ ഉടന്‍ അവരെ പിരിച്ചുവിടണമെന്നും നിര്‍ദ്ദേശമുണ്ട്.