കൊച്ചി|
JOYS JOY|
Last Modified ചൊവ്വ, 13 ഒക്‌ടോബര്‍ 2015 (16:59 IST)
സ്വാമി ശാശ്വതീകാനന്ദയുടെ മരണം അടിയൊഴുക്കില്‍പ്പെട്ടെന്ന് റിപ്പോര്‍ട്ട്. ശാശ്വതീകാനന്ദയുടെ മരണത്തെ തുടര്‍ന്ന് തയ്യാറാക്കിയ ക്രൈം ബ്രാഞ്ച് റിപ്പോര്‍ട്ടിലാണ് ഇക്കാര്യമുള്ളത്. ഇന്നാണ് ക്രൈം ബ്രാഞ്ച് റിപ്പോര്‍ട്ട് പുറത്തുവന്നത്.
ശാശ്വതീകാനന്ദ സ്വാമിയുടെ മരണത്തില്‍ അസ്വാഭാവികതയൊന്നുമില്ലെന്നും റിപ്പോര്‍ട്ടില്‍ വ്യക്തമാക്കുന്നു. ക്രൈം ബ്രാഞ്ച് രണ്ടുവര്‍ഷം മുമ്പ് കോടതിയില്‍ സമര്‍പ്പിച്ച റിപ്പോര്‍ട്ടാണ് പുറത്തായത്.
ശാശ്വതീകാനന്ദ സ്വാമി മരിച്ചത് ആലുവ പുഴയിലെ അടിയൊഴുക്കില്‍പ്പെട്ടാണെന്ന് കേസ് അന്വേഷിച്ച
ക്രൈംബ്രാഞ്ചിന്റെ കെ ജി സൈമണ്‍ രണ്ട് വര്‍ഷം മുന്‍പ് സമര്‍പ്പിച്ച പുനരന്വേഷണ റിപ്പോര്‍ട്ടിലാണ് ഇക്കാര്യം വ്യക്തമാക്കുന്നത്.
റിപ്പോര്‍ട്ടില്‍ വെള്ളാപ്പള്ളി നടേശനെ 34-ആം സാക്ഷിയായും ബിജു രമേശിനെ 114-ആം സാക്ഷിയായും ഉള്‍പ്പെടുത്തിയിട്ടുണ്ട്. ശാശ്വതീകാനന്ദയുടെ മരണവുമായി ബന്ധപ്പെട്ട് ബിജു രമേശിനെ ചോദ്യം ചെയ്തതായും റിപ്പോര്‍ട്ടില്‍ വ്യക്തമാക്കുന്നുണ്ട്.
