സ്വന്തം ജില്ലയിൽ സീറ്റ് ലഭിക്കാത്തതിനെത്തുടർന്നാണ് മത്സരത്തിൽ നിന്നും പിൻവാങ്ങുന്നതെന്ന് കേരള കോൺഗ്രസ് ചെയർമാൻ ആർ ബാലകൃഷ്ണ പിള്ള അറിയിച്ചു. മത്സരിക്കുന്നതിനായി താൻ ആവശ്യപ്പെട്ട ഇരവിപുരം, കൊട്ടാരക്കര എന്നീ മണ്ഡലങ്ങ‌ൾ കിട്ടാത്തതിനാലാണ് മത്സരിക്കാനില്ലാത്തതെന്ന് ബാലകൃഷ്ണ പിള്ള മാതൃഭൂമി ന്യൂസിനോട് പറഞ്ഞു.

ആരോഗ്യസ്ഥിതിയും സാമ്പത്തിക ശേഷിയും അനുവദിക്കാത്തതിനാലാണ് മറ്റു മണ്ഡലങ്ങ‌ളിൽ മത്സരിക്കാൻ നിൽകാത്തതെന്നും അദ്ദേഹം അറിയിച്ചു. മണ്ഡലങ്ങ‌ളിൽ ആരെയൊക്കെ സ്ഥാനാർഥിയാക്കണമെന്ന കാര്യത്തിൽ പാർട്ടിക്ക് പിടിവാശിയില്ലായെന്നും എന്നാൽ ആർക്കെങ്കിലും സീറ്റു വിട്ടുകൊടുക്കാൻ കഴിയില്ല എന്നും പിള്ള കൂട്ടിച്ചേര്‍ത്തു.

ഇടതുമുന്നണി ആവശ്യപ്പെട്ടാൽ താൻ തിരഞ്ഞെടുപ്പിൽ മത്സരിക്കുമെന്ന് ബാലകൃഷ്ണ പിള്ള ആദ്യം പറഞ്ഞിരുന്നെങ്കിലും സ്ഥാനാർഥിയാകുന്നില്ല എന്ന് പിന്നീട് തീരുമാനിക്കുകയായിരുന്നു.