തിരുവല്ല|
Last Modified തിങ്കള്‍, 26 ഡിസം‌ബര്‍ 2016 (18:05 IST)
ഇന്ത്യന്‍ ഓവര്‍സീസ് ബാങ്കിന്‍റെ തിരുവല്ല തുകലശേരി ശാഖയില്‍ 27 ലക്ഷം രൂപയുടെ നോട്ടുകള്‍ കവര്‍ന്നതായി റിപ്പോര്‍ട്ട്. രണ്ട് ദിവസത്തെ ബാങ്ക് അവധി കഴിഞ്ഞ് തുറന്നപ്പോഴായിരുന്നു കവര്‍ച്ച വിവരം അറിഞ്ഞത് എന്നാണു സൂചന.
ബാങ്ക് ലോക്കറില്‍ സൂക്ഷിച്ചിരുന്ന പണം ഉള്‍പ്പെടെ 16 ലക്ഷത്തിന്‍റെ പുതിയ നോട്ടുകളും 11 ലക്ഷത്തിന്‍റെ പഴയ നോട്ടുകളുമാണു കവര്‍ന്നത്. ബാങ്കിന്‍റെ ജനല്‍ കമ്പികള്‍ ഗ്യാസ് കട്ടര്‍ ഉപയോഗിച്ച് മുറിച്ചാണ് അക്രമികള്‍ അകത്തു കടന്നത്.
വിരലടയാള വിദഗ്ദ്ധര്‍ ഉള്‍പ്പെടെ വിദഗ്ദ്ധ പൊലീസ് സംഘം അന്വേഷണം ആരംഭിച്ചിട്ടുണ്ട്. ഐ.ഒ.ബി യുടെ വിവിധ ശാഖകളിലേക്ക് നല്‍കാനായി വച്ചിരുന്ന പണവും കവര്‍ന്നതായി സൂചനയുണ്ട്.
