കട്ടപ്പന|
JOYS JOY|
Last Modified ഞായര്‍, 21 ജൂണ്‍ 2015 (17:33 IST)
പ്ലസ് ടു സര്‍ട്ടിഫിക്കറ്റുകള്‍ വഴിയരികില്‍ ഉപേക്ഷിച്ച നിലയില്‍ കണ്ടെത്തി. പീരുമേട് മരിയഗിരി ഇംഗ്ലീഷ് മീഡിയം സ്കൂളിലെ പ്ലസ് ടു സയന്‍സ് ഗ്രൂപ്പിലെ 29 സര്‍ട്ടിഫിക്കറ്റുകളാണ് വഴിയരികില്‍ നിന്ന് നാട്ടുകാര്‍ക്ക് ലഭിച്ചത്.
തലസ്ഥാനനഗരിയിലെ ഹയര്‍ സെക്കന്‍ഡറി വകുപ്പില്‍ നിന്ന് പോസ്റ്റു വഴി സ്കൂളിലേക്ക് അയച്ച സര്‍ട്ടിഫിക്കറ്റുകളുടെ കെട്ടാണ് ഇടുക്കി ഡാം ടോപ്പിനടുത്ത റോഡില്‍ കണ്ടെത്തിയത്. കനത്ത മഴയില്‍ കുതിര്‍ന്ന കെട്ട് വാഹനങ്ങള്‍ കയറിയിറങ്ങിയ നിലയിലായിരുന്നു ലഭിച്ചത്.
സ്കൂളിലെ 2148332 മുതല്‍ 2512221 വരെയുള്ള രജിസ്റ്റര്‍ നമ്പരുകളിലെ വിദ്യാര്‍ത്ഥികളുടെ ഈ സര്‍ട്ടിഫിക്കറ്റുകള്‍ക്കൊപ്പം മൈഗ്രേഷന്‍ സര്‍ട്ടിഫിക്കറ്റുകളും കെട്ടിലുണ്ടായിരുന്നു. നാട്ടുകാര്‍ അറിയിച്ചതിനെ തുടര്‍ന്ന് സ്കൂള്‍ അധികാരികള്‍ സ്ഥലത്തെത്തി സര്‍ട്ടിഫിക്കറ്റുകള്‍ കൈപ്പറ്റി.
