കൊച്ചിയിലെ ചുംബന സമരത്തിന്റെ ഭാഗമായി കോഴിക്കോട് മൊഫ്യൂസില്‍ സ്റ്റാന്‍ഡ് പരിസരത്ത് ഉടന്‍ തന്നെ ചുംബന സമരത്തില്‍ പങ്കെടുത്തവരെ പൊലീസ് അറസ്റ്റ് ചെയ്തു. സമരത്തെ എതിര്‍ത്ത് പ്രധിഷേധവുമായി എത്തിയവരെയും അറസ്റ്റ് ചെയ്ത് നീക്കി. അതേസമയം മൂന്നും നാലും സംഘങ്ങളായി തിരിഞ്ഞ് നിന്ന ചുംബന സമരക്കാര്‍ ചുംബിക്കുകയും ചെയ്തു. ആയിരക്കണക്കിന് ആളുകളാണ് ചുംബന സമരം കാണാന്‍ കോഴിക്കോട് മൊഫ്യൂസില്‍ സ്റ്റാന്‍ഡ് പരിസരത്ത് തടിച്ച് കൂടിയിരുന്നത്.

സംഘങ്ങളായി തിരിഞ്ഞ് നിന്ന ചുംബിച്ച സമരക്കാരെ നേരിടാന്‍ എത്തിയ ചില സംഘടനകള്‍ സമരക്കാരെ ആക്രമിക്കുന്ന സാഹചര്യം ഉണ്ടായപ്പോള്‍ പൊലീസ് ഇടപെടുകയായിരുന്നു. ഇതിനിടെയില്‍ ചുംബന സമരക്കാര്‍ ചുംബിക്കുകയും ചെയ്തു. ചുംബന സമരക്കാരെയും പ്രതിഷേധക്കാരെയും ബസുകളില്‍ കയറ്റിയാണ് പൊലീസ് സ്ഥിതിഗതികള്‍ ശാന്തമാക്കിയത്.

ചുംബനസമരക്കാരെ പ്രതിഷേധക്കാര്‍ ആക്രമിക്കുമെന്ന് വ്യക്തമായതോടെയാണ് പൊലീസ് അവരെ അറസ്റ്റ് ചെയ്ത് ബസില്‍ കയറ്റിയത്. സമരം തടയാനെത്തിയ ഹനുമാന്‍ സേന പ്രവര്‍ത്തകര്‍ക്ക് നേരെ പൊലീസ് രണ്ടു തവണെ ലാത്തി വീശുകയും ചെയ്തു. 'കിസ് ഇന്‍ ദി സ്ട്രീറ്റ്' എന്ന പേരിലുള്ള ഫേസ്ബുക്ക് കൂട്ടായ്മയാണ് സമരം ആഹ്വാനം ചെയ്തിട്ടുള്ളത്.


മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക്
ചെയ്യുക. ഫേസ്ബുക്കിലും
ട്വിറ്ററിലും
പിന്തുടരുക.