കണ്ണൂരിൽ മൂന്ന് സി പി എം പ്രവർത്തകർക്ക് വെട്ടേറ്റു. പാനൂർ ചെണ്ടയാട് വരപ്രയില്‍
അശ്വന്ത് ,രജിത്ത് , അതുല്‍ എന്നിവര്‍ക്കാണ് വെട്ടേറ്റത്. ഇവരെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ഇന്നു പുലര്‍ച്ചെ മൂന്ന് മണിയോടെയായിരുന്നു സംഭവം. പുതുവത്സര പരിപാടിയില്‍ പങ്കെടുത്ത് മടങ്ങുമ്പോഴാണ് വെട്ടേറ്റത്. പുതുവത്സരാഘോഷത്തിനിടെയുണ്ടായ തര്‍ക്കമാണ് ആക്രമണത്തില്‍ കലാശിച്ചതെന്ന് ഇവരുടെ സുഹൃത്തുക്കൾ പറയുന്നു. സംഭവത്തിന് പിന്നില്‍ ബി ജെ പി പ്രവര്‍ത്തകരാണെന്ന് സി പി എം ആരോപിക്കുന്നു.