അനുബന്ധ വാര്ത്തകള്
- ഒടുവിൽ തീരുമാനമായി!ഓസ്ലർ ഒ.ടി.ടി റിലീസ് പ്രഖ്യാപിച്ചു
- ഓൺലൈൻ തട്ടിപ്പ് : യുവാവിന് 19 ലക്ഷം നഷ്ടപ്പെട്ടു
- നിങ്ങൾ അശ്ലീല വീഡിയോകൾ കാണുന്നു, ഫോൺ നിരീക്ഷണത്തിലാണ്, സ്ത്രീകളെ കുടുക്കാൻ പുതിയ തട്ടിപ്പ്, ജാഗ്രത വേണമെന്ന് പോലീസ്
- ബിഗ് ബോസ് ആറാം സീസണില് ഇവരെല്ലാം! ഉറപ്പിക്കാമോ? ഉയര്ന്ന് കേള്ക്കുന്ന പേരുകള്
- ഓൺലൈൻ തട്ടിപ്പ് : രണ്ടു പേർക്ക് 94550 നഷ്ടപ്പെട്ടു
ഓൺലൈൻ തട്ടിപ്പ് : യുവാവിന് 89.5 ലക്ഷം നഷ്ടമായി
കണ്ണൂർ: ഓൺലൈൻ തട്ടിപ്പിലൂടെ കണ്ണൂർ ജില്ലയിലെ യുവാവിന് 89.5 ലക്ഷം രൂപ നഷ്ടപ്പെട്ടു. ഓൺലൈനിൽ പാർട്ടി ടൈം ജോലി നൽകാമെന്ന് വാഗ്ദാനം ചെയ്താണ് പണം തട്ടിയത്. ടെലിഗ്രാം ആപ്പിലെ മെസേജ് കണ്ട് പണം നൽകിയ യുവാവിനാണ് പണം നഷ്ടപ്പെട്ടത്. നിക്ഷേപിക്കുന്ന പണത്തിനു സമാനമായ ഉയർന്ന ലാഭം തിരികെ ലഭിക്കും എന്ന് വിശ്വസിപ്പിച്ചായിരുന്നു തട്ടിപ്പ്.
കണ്ണൂർ ജില്ലയിൽ കഴിഞ്ഞ ദിവസം സമാനമായ രീതിയിൽ ഒരാൾക്ക് പതിനാറു ലക്ഷം രൂപയായിരുന്നു നഷ്ടപ്പെട്ടത്. പരിചയമില്ലാത്ത ഫോൺ നമ്പറുകളിൽ നിന്ന് മെസേജ്, ലിങ്കുകൾ എന്നിവ ലഭിച്ചാൽ തിരിച്ചു പ്രതികരിക്കരുത് എന്ന് പോലീസ് അറിയിച്ചിട്ടുണ്ട്. കഴിഞ്ഞ ഏതാനും മാസങ്ങൾക്ക് മുമ്പ് തിരുവനന്തപുരം പടിഞ്ഞാറേകോട്ട സ്വദേശിനിക്ക് 37 ലക്ഷം രൂപയായിരുന്നു നഷ്ടപ്പെട്ടത്. ക്രിപ്റ്റോ ട്രേഡിംഗ് വഴി ലക്ഷങ്ങൾ സാമ്പാദിക്കാം എന്ന വ്യാജ വാഗ്ദാനത്തിൽ വീണാണ് ഇവർക്ക് പണം നഷ്ടപ്പെട്ടത്. തിരുവനന്തപുരത്തെ പൊങ്ങംമൂട് സ്വദേശിക്കും സമാനമായ രീതിയിൽ ഒമ്പതര ലക്ഷം രൂപയാണ് നഷ്ടപ്പെട്ടത്.
അടുത്ത ലേഖനം
