അനുബന്ധ വാര്ത്തകള്
- Sweating Remedies: അമിതമായ വിയര്പ്പ് നിങ്ങളെ അലട്ടുന്നുണ്ടോ? കക്ഷത്ത് അസഹ്യമായ ദുര്ഗന്ധം തോന്നുന്നുണ്ടോ?; പരിഹാരമുണ്ട്
- അരിഞ്ഞുവെച്ച ഉള്ളി മണിക്കൂറുകള്ക്ക് ശേഷം ഉപയോഗിക്കുമ്പോള് അത് വിഷമാകുമോ?
- പങ്കാളി സെക്സിന് തയ്യാറെന്ന് എങ്ങനെ മനസിലാക്കാം? സ്ത്രീകളെ കുറിച്ച് പുരുഷന്മാര് അറിഞ്ഞിരിക്കേണ്ട കാര്യങ്ങള്
- മമ്മൂട്ടി ഇനി വില്ലന് ! ഗംഭീര കഥാപാത്രമെന്ന് റിപ്പോര്ട്ട്
- വായ്നാറ്റം തലവേദനയോ? ഇതാ ചില പൊടിക്കൈകള്
ഇന്ന് ലോക ഒആര്എസ് ദിനം
വയറിളക്ക രോഗങ്ങള്ക്കെതിരെ അതീവ ശ്രദ്ധ വേണമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ലോകത്ത് 5 വയസിന് താഴെയുള്ള കുട്ടികളുടെ മരണങ്ങളില് രണ്ടാമത്തെ മരണ കാരണം വയറിളക്ക രോഗങ്ങളാണ്. ഒ.ആര്.എസ്. പാനീയ ചികിത്സയിലൂടെ കുട്ടികളുടെ ജീവന് രക്ഷിക്കാനാകും. സംസ്ഥാനത്തെ എല്ലാ സര്ക്കാര് ആരോഗ്യ സ്ഥാപനങ്ങളിലും ഒ.ആര്.എസ്., സിങ്ക് എന്നിവ സൗജന്യമായി ലഭ്യമാണ്. വയറിളക്കം കുറയാതിരിക്കുക, രക്തം പോകുക, പനി, അമിതദാഹം, നിര്ജലീകരണം, പാനീയങ്ങള് കുടിക്കാന് പറ്റാത്ത അവസ്ഥ, മയക്കം, കുഴിഞ്ഞു താണ കണ്ണുകള്, വരണ്ട വായും നാക്കും തുടങ്ങിയ ലക്ഷണങ്ങള് കണ്ടാല് എത്രയും പെട്ടെന്ന് ഡോക്ടറുടെ സേവനം തേടേണ്ടതാണെന്നും മന്ത്രി അഭ്യര്ത്ഥിച്ചു.
എല്ലാ വര്ഷവും ജൂലൈ 29 ലോക ഒ.ആര്.എസ്. ദിനമായി ആചരിക്കുന്നു. മഴക്കാലമായതിനാല് കോളറ, ടൈഫോയിഡ്, ഡയേറിയ, ഡിസെന്ട്രി, ഹെപ്പറ്റൈറ്റിസ് എ, ഇ, ഷിഗെല്ല തുടങ്ങിയ ജലജന്യ രോഗങ്ങള് പടര്ന്നുപിടിക്കാന് സാധ്യതയുള്ളതുകൊണ്ട് രോഗ നിയന്ത്രണത്തിനും ബോധവല്ക്കരണത്തിനുമായാണ് ലോക ഒ.ആര്.എസ്. ദിനം ആചരിക്കുന്നത്. വയറിളക്ക രോഗങ്ങള് മൂലമുള്ള നിര്ജലീകരണം തടയുവാനും ജീവന് രക്ഷിക്കാനും ഒ. ആര്. എസ്. സഹായിക്കുന്നു.
