അനുബന്ധ വാര്ത്തകള്
- വിവാഹ വാഗ്ദാനം നല്കി പീഡനം: യുവാവ് അറസ്റ്റില്
- മരിച്ച വ്യക്തിയുടെ പിപിഎഫ് അക്കൗണ്ടില് നിന്ന് 1.39 കോടി രൂപ തട്ടിയെടുത്ത ബാങ്ക് ഉദ്യോഗസ്ഥന് ഉള്പ്പെടെ മൂന്നുപേര് അറസ്റ്റില്
- വാട്ട്സ് ആപ്പ് വഴി അശ്ലീലദൃശ്യങ്ങൾ പ്രചരിപ്പിച്ചയാൾ അറസ്റ്റിൽ
- ലക്ഷങ്ങളുടെ തൊഴില് തട്ടിപ്പ് നടത്തിയ മലയാളികള് പിടിയില്
- തൃശൂരിൽ 100 കോടിയിലേറെ നിക്ഷേപവുമായി ദമ്പതികൾ മുങ്ങി, പണം നഷ്ടപ്പെട്ടത് മുന്നൂറോളം പേർക്ക്
വജ്രവ്യാപാരത്തിലൂടെ വൻ ലാഭം വാഗ്ദാനം ചെയ്തു കോടികൾ തട്ടിയ ആൾ പിടിയിൽ
പാലക്കാട്: വജ്ര വ്യാപാരം നടത്തി വൻ ലാഭവിഹിതം വാഗ്ദാനം നൽകി ഒന്നേകാൽ കോടി രൂപ തട്ടിയെടുത്ത ആൾ പിടിയിലായി. കിഴക്കഞ്ചേരി പാണ്ടാംകോട് കിഴക്കുമശേരി ഷാജി എന്ന നാല്പത്തെട്ടുകാരനാണ് വടക്കഞ്ചേരി പോലീസിന്റെ പിടിയിലായത്.
വടക്കഞ്ചേരിയിൽ അക്യൂമെൻ ഡയമണ്ട് എന്ന സ്ഥാപനത്തിന്റെ പേരിൽ പലരിൽ നിന്നായി ഇയാൾ നിക്ഷേപങ്ങൾ സ്വീകരിച്ചു. ബാങ്ക് പലിശയേക്കാൾ ഉയർന്ന ലാഭവിഹിതം നൽകാമെന്നായിരുന്നു വാഗ്ദാനം. ഇതനുസരിച്ചു 2021 ജനുവരി - 2022 ഒക്ടോബർ കാലയളവിലാണ് ഇയാൾ പണം സ്വീകരിച്ചത്.
പണം കിട്ടാതായതോടെ നിക്ഷേപകനായ മറിയപ്പാടം സ്വദേശി പരാതി നൽകി. ഇയാളിൽ നിന്ന് 9922000 രൂപയും ഇയാളുടെ പരിചയക്കാരിൽ നിന്ന് ബാക്കി തുകയും വാങ്ങി എന്നായിരുന്നു പരാതി. കേസായതോടെ പ്രതി ഒളിവിൽ പോവുകയായിരുന്നു. വിദേശത്തേക്ക് കടക്കാനും ശ്രമിച്ചു.
എന്നാൽ പോലീസ് ഇയാൾക്കെതിരെ ലുക്ക് ഔട്ട് നോട്ടീസ് പുറത്തിറക്കിയതോടെ ഇയാൾ മുൻകൂർ ജാമ്യം നേടാനായി ഹൈക്കോടതിയെ സമീപിച്ചു. ഹൈക്കോടതി നിർദ്ദേശ പ്രകാരം ഇയാൾ കഴിഞ്ഞ ദിവസം പോലീസ് സ്റ്റേഷനിൽ ഹാജരാവുകയും ചെയ്തു. തുടർന്ന് പോലീസ് അറസ്റ്റ് ചെയ്തു ജാമ്യത്തിൽ വിട്ടു.
