അനുബന്ധ വാര്ത്തകള്
- സ്വര്ണവില കുറഞ്ഞു; ഇന്നത്തെ നിരക്ക് അറിഞ്ഞോ
- തമിഴ്നാട് പിടിക്കണം, നിയമസഭാ തിരെഞ്ഞെടുപ്പിന് മുന്നോടിയായി സംസ്ഥാനമുടനീളം യാത്ര നടത്താനൊരുങ്ങി വിജയ്
- കെഎസ്ആര്ടിസി ജീവനക്കാരെ ഇനി അടിക്കാനൊന്നും പോകണ്ട! പരാതിയുണ്ടെങ്കില് ഈ വാട്സാപ്പ് നമ്പരില് അറിയിക്കാം
- K K Lathika: ഷാഫി പറമ്പിലിനെ ഒരു മതത്തിന്റെ ആളാക്കി, രാഷ്ട്രീയനേട്ടത്തിനായി മതസ്പര്ധ വളര്ത്താന് ശ്രമിച്ചു, കെകെ ലതികയ്ക്കെതിരെ ഡിജിപിക്ക് പരാതി
- ബ്രിട്ടീഷ് തിരെഞ്ഞെടുപ്പിൽ ഋഷി സുനക് എട്ട് നിലയിൽ പൊട്ടുമെന്ന് സർവേ ഫലങ്ങൾ
തദ്ദേശസ്വയംഭരണ തിരഞ്ഞെടുപ്പ്: വോട്ടര്പട്ടികയില് വെള്ളിയാഴ്ച വരെ പേര് ചേര്ക്കാം
സംസ്ഥാനത്തെ തദ്ദേശസ്വയംഭരണസ്ഥാപനങ്ങളിലെ വോട്ടര്പട്ടികയില് പേര് ചേര്ക്കാന് ജൂണ് 21 വരെ അവസരമുണ്ടെന്ന് സംസ്ഥാന തിരഞ്ഞെടുപ്പ് കമ്മീഷന് അറിയിച്ചു. 2024 ജനുവരി ഒന്നിനോ അതിന് മുന്പോ 18 വയസ്സ് തികഞ്ഞവര്ക്ക് പേര് ചേര്ക്കാം. ഉടന് ഉപതിരഞ്ഞെടുപ്പ് നടക്കുന്ന 50 വാര്ഡുകള് ഉള്പ്പെടെ സംസ്ഥാനത്തെ മുഴുവന് തദ്ദേശ സ്ഥാപനങ്ങളിലെയും വോട്ടര്പട്ടികയാണ് പുതുക്കുന്നത്. ഉപതിരഞ്ഞെടുപ്പ് നടക്കുന്ന വാര്ഡുകളില് പ്രവാസി ഭാരതീയരുടെ വോട്ടര്പട്ടികയും തയ്യാറാക്കുന്നുണ്ട്. അന്തിമ വോട്ടര്പട്ടിക ജൂലൈ ഒന്നിന് പ്രസിദ്ധീകരിക്കും.
നിയമസഭ, ലോക്സഭ വോട്ടര്പട്ടിക തയ്യാറാക്കുന്നത് ഇലക്ഷന് കമ്മീഷന് ഓഫ് ഇന്ത്യയും തദ്ദേശവോട്ടര്പട്ടിക തയ്യാറാക്കുന്നത് സംസ്ഥാന തിരഞ്ഞെടുപ്പ് കമ്മീഷനുമാണ്. നിയമസഭ, ലോക്സഭ വോട്ടര്പട്ടികയില് പേരുണ്ടെങ്കിലും തദ്ദേശവോട്ടര് പട്ടികയില് പേരുള്പ്പെട്ടിട്ടുണ്ടെന്ന് പരിശോധിച്ച് ഉറപ്പാക്കേണ്ടതാണ്. തദ്ദേശവോട്ടര് പട്ടികയുടെ കരട് ലെര.സലൃമഹമ.ഴീ്.ശി വെബ്സൈറ്റിലും അതാത് തദ്ദേശസ്ഥാപനത്തിലും വില്ലേജ് ,താലൂക്ക് ഓഫീസുകളിലും പരിശോധനയ്ക്ക് ലഭ്യമാണ്.
പുതുതായി പേര് ചേര്ക്കുന്നതിനും (ഫോറം 4), ഉള്ക്കുറിപ്പുകള് തിരുത്തുന്നതിനും (ഫോറം 6), സ്ഥാനമാറ്റം വരുത്തുന്നതിനും (ഫാറം 7) ലെര.സലൃമഹമ.ഴീ്.ശി വെബ്സൈറ്റില് ഓണ്ലൈനായി വേണം അപേക്ഷിക്കാന്. അപേക്ഷകന്റെ മൊബൈല് നമ്പറുപയോഗിച്ച് സിറ്റിസണ് രജിസ്ട്രേഷന് നടത്തി വേണം അപേക്ഷ നല്കേണ്ടത്. ജില്ല, തദ്ദേശസ്ഥാപനം, വാര്ഡ് , പോളിംഗ് സ്റ്റേഷന് എന്നിവ തിരഞ്ഞെടുത്ത് വോട്ടറുടെ പേരും മറ്റ് വിവരങ്ങളും നല്കണം. അപേക്ഷയോടൊപ്പം ഫോട്ടോ അപ്ലോഡ് ചെയ്യാന് കഴിയാത്തവര്ക്ക് ഹിയറിംഗ് വേളയില് നേരിട്ട് നല്കാവുന്നതാണ്.
അക്ഷയ സെന്റര് തുടങ്ങിയ അംഗീകൃത ജനസേവനകേന്ദ്രങ്ങള് മുഖേനയും അപേക്ഷ സമര്പ്പിക്കാം. ഓണ്ലൈനായി അപേക്ഷിക്കുമ്പോള് ഹീയറിംഗിനുള്ള നോട്ടീസ് ലഭിക്കും. നോട്ടീസില് പറഞ്ഞിട്ടുള്ള തീയതിയില് അപേക്ഷകന് ആവശ്യമായ രേഖകള്സഹിതം ഹീയറിംഗിന്ഹാജരാകണം.
