സൊമാലിയയിൽ ഇരട്ട ചാവേറാക്രമണത്തിൽ 20 പേർ കൊല്ലപ്പെട്ടു. 30 പേർക്ക് പരുക്കേറ്റു. പരുക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്. നിരവധി പേരുടെ നിഗ അതീവ ഗുരുതരമാണ്. മരണസംഖ്യ ഇനിയും ഉയരുമെന്നാണ് ആശുപത്രി അധികൃതർ വ്യക്തമാക്കി. കൊല്ലപ്പെട്ടവരിൽ സാധാരണക്കാരും സുരക്ഷാ ഉദ്യോഗസ്​ഥാരും ഉൾപ്പെട്ടിട്ടുണ്ട്​.

രാജ്യത്തെ അർധ സ്വയംഭരണ മേഖലയായ പുൻറ്​ലാൻറിൽ കഴിഞ്ഞ ദിവസമായിരുന്നു ചാവേർ സ്​ഫോടനം​. ആക്രമണത്തി​ന്റെ ഉത്തരവാദിത്തം സൊമാലിയയിലെ സായുധ മിലീഷ്യയായ അൽശബാബ്​ തീവ്രവാദികൾ ഏറ്റെടുത്തിട്ടുണ്ട്​. അക്രമികൾ ആദ്യം ട്രക്കും കാറും ഇടിച്ചു കയറ്റുകയും പിന്നീട് വെടിയുതിർക്കുകയുമായിരുന്നുവെന്ന് രക്ഷപെട്ടവർ വ്യക്തമാക്കി.