1. കായികം
  2. മറ്റു കളികള്‍
  3. ഫുട്ബാള്‍
  4. ISL Final Hyderabad FC Champions Kerala Blasters

പെനാല്‍ട്ടി ഷൂട്ടൗട്ടില്‍ കൊമ്പന്‍മാര്‍ക്ക് മൂക്കുകയറിട്ട് ഹൈദരബാദ്; കേരള ബ്ലാസ്റ്റേഴ്‌സിന് ഇത്തവണയും കിരീടമില്ല !

Hyderabad FC
ഐ.എസ്.എല്‍. കിരീടം ഹൈദരബാദ് എഫ്.സി.ക്ക്. ഫൈനലില്‍ കേരള ബ്ലാസ്റ്റേഴ്‌സിനെ പരാജയപ്പെടുത്തി. പെനാല്‍ട്ടി ഷൂട്ടൗട്ടിലാണ് ഹൈദരബാദിന്റെ വിജയം. നിശ്ചിത സമയത്തും അധിക സമയത്തും ഇരു ടീമുകളും 1-1 എന്ന നിലയില്‍ പിരിഞ്ഞതോടെയാണ് മത്സരം പെനാല്‍ട്ടി ഷൂട്ടൗട്ടിലേക്ക് നീങ്ങിയത്. ഷൂട്ടൗട്ടില്‍ 3-1 നാണ് ഹൈദരബാദിന്റെ ജയം. 
 
ഷൂട്ടൗട്ടില്‍ കേരളത്തിന്റെ ആദ്യ രണ്ട് അവസരങ്ങളും പിഴച്ചു. ഹൈദരബാദ് ആദ്യ അവസരം ലക്ഷ്യത്തിലെത്തിച്ചു. ഹൈദരബാദിന്റെ രണ്ടാം അവസരം ലക്ഷ്യം കണ്ടില്ല. മൂന്നാമത്തെ അവസരം ഇരു ടീമുകളും ലക്ഷ്യത്തിലെത്തിച്ചതോടെ 2-1 ന് ഹൈദരബാദ് മുന്നിലെത്തി. ബ്ലാസ്റ്റേഴ്‌സിന്റെ നാലാമത്തെ കിക്ക് ഹൈദരബാദ് ഗോളി തടഞ്ഞതോടെ കേരളത്തിന്റെ മഞ്ഞപ്പട തല താഴ്ത്തി. നാലാമത്തെ കിക്ക് ലക്ഷ്യത്തിലെത്തിച്ച് ഹൈദരബാദ് 3-1 ന് മുന്നിലെത്തി. 
 
നിശ്ചിത സമയത്ത് ആദ്യ ഗോള്‍ നേടിയത് കേരള ബ്ലാസ്റ്റേഴ്‌സാണ്. 68-ാം മിനിറ്റില്‍ മലയാളി താരം കെ.പി.രാഹുലിലൂടെയാണ് കേരളം മുന്നിലെത്തിയത്. കിരീടം ഉറപ്പിച്ച് മുന്നേറുന്നതിനിടെ ഹൈദരബാദിന്റെ സമനില ഗോള്‍ ബ്ലാസ്റ്റേഴ്‌സിന്റെ വലയിലെത്തി. 88-ാം മിനിറ്റില്‍ സാഹില്‍ തവോറയാണ് ഹൈദരബാദിനായി നിര്‍ണായക സമനില ഗോള്‍ നേടിയത്. ഇതോടെ നിശ്ചിത സമയത്ത് 1-1 എന്ന നിലയില്‍ മത്സരം അവസാനിച്ചു. എക്‌സ്ട്രാ ടൈമില്‍ ഇരു ടീമുകള്‍ക്കും ഗോള്‍ നേടാന്‍ സാധിക്കാതെ വന്നതോടെ മത്സരം പെനാല്‍ട്ടി ഷൂട്ടൗട്ടിലേക്ക് നീങ്ങി. 
 
ഇത് മൂന്നാം തവണയാണ് കേരള ബ്ലാസ്റ്റേഴ്‌സ് ഐ.എസ്.എല്‍. ഫൈനലില്‍ തോല്‍ക്കുന്നത്.
 
അടുത്ത ലേഖനം
കപ്പ് ഉറപ്പിച്ച ബ്ലാസ്റ്റേഴ്‌സിന്റെ നെഞ്ചത്ത് അപ്രതീക്ഷിത പ്രഹരം; ഹൈദരബാദിന്റെ രക്ഷകനായി തവോറ