2022 ഖത്തർ ലോകകപ്പ് ഫുട്‌ബോളിന്റെ ഔദ്യോഗിക സ്പോൺസറായി ബൈ‌ജൂസ്. ഇതാദ്യമായാണ് ഇന്ത്യയിൽ നിന്നൊരു സ്ഥാപനം ഫുട്‌ബോള്‍ ലോകകപ്പിന്റെ സ്‌പോണ്‍സറാകുന്നത്. മലയാളിയായ ബൈജു രവീന്ദ്രനാണ് ബൈജൂസിന്റെ ഉടമ.

അന്താരാഷ്ട്ര ഫുട്‌ബോൾ സംഘടനയായ ഫിഫയാണ് ഈ വാർത്ത പുറത്തുവിട്ടത്. ഫിഫയുമായി കൈകോർക്കുന്ന ആദ്യ ഇന്ത്യൻ കമ്പനിയാണ് ബൈജൂസ്. അതേസമയം 2022 ഖത്തർ ലോകകപ്പിന്റെ ഭാഗമായതിൽ അഭിമാനിക്കുന്നതായി ബൈജു രവീന്ദ്രന്‍ പറഞ്ഞു.2022 നവംബര്‍ 21 നാണ് ലോകകപ്പ് ആരംഭിക്കുന്നത്. ഡിസംബര്‍ 18 നാണ് ഫൈനൽ.