കെ ആര്‍ അനൂപ്|
Last Modified ബുധന്‍, 10 മാര്‍ച്ച് 2021 (17:04 IST)
ബോളിവുഡ് ഹിറ്റ് ചിത്രമായ 'അന്ധാദുന്‍' എന്ന സിനിമയുടെ തമിഴ് റീമേക്ക് ഷൂട്ടിംഗ് ആരംഭിച്ചു. നടന്‍ പ്രശാന്ത് ആണ് പ്രധാന വേഷത്തിലെത്തുന്നത്. അദ്ദേഹത്തിന്റെ അച്ഛനും നടനുമായ ത്യാഗരാജന്‍ ചിത്രം സംവിധാനം ചെയ്യുന്നു.ഗൗതം മേനോന്‍, മോഹന്‍ രാജ തുടങ്ങിയ സംവിധായകരുടെ പേര് ഈ ചിത്രം സംവിധാനം ചെയ്യുവാനായി ആദ്യം ഉയര്‍ന്നു കേട്ടിരുന്നു. സിമ്രാന്‍, കാര്‍ത്തിക്, കെ എസ് രവികുമാര്‍, യോഗി ബാബു, ഉര്‍വശി, മനോബാല, വനിത വിജയകുമാര്‍ എന്നിവരാണ് പ്രധാന വേഷങ്ങളില്‍ എത്തുന്നത്.
സമീപകാലത്ത് ഏറ്റവുമധികം പ്രശംസ നേടിയ 'അന്ധാദുന്‍'സംവിധാനം ചെയ്തത് ശ്രീരാം രാഘവന്‍ ആയിരുന്നു. ആയുഷ്മാന്‍ ഖുറാനെയും രാധിക ആപ്തെയുമാണ് പ്രധാന വേഷങ്ങളില്‍ എത്തിയത്. പിയാനിസ്റ്റായിട്ടാണ് അദ്ദേഹം ഈ ചിത്രത്തില്‍ അഭിനയിച്ചത്. മലയാളം, തെലുങ്ക് എന്നീ ഭാഷകളിലേക്കും ചിത്രം റിമേക്ക് ചെയ്യുന്നുണ്ട്.
