Last Modified ശനി, 9 ജനുവരി 2016 (15:15 IST)
മമ്മൂട്ടി ഒരു റോഡ് മൂവിയില്‍ അഭിനയിക്കുന്നു. ശ്യാമപ്രസാദ് സംവിധാനം ചെയ്യുന്ന പുതിയ ചിത്രത്തില്‍ മമ്മൂട്ടി ഒരു ടാക്സി ഡ്രൈവറുടെ വേഷത്തിലാണ് അഭിനയിക്കുന്നത്.
ഒരു ടാക്സി ഡ്രൈവറുടെ ജീവിതത്തില്‍ ഒരു ദീര്‍ഘദൂര യാത്രയിലുണ്ടാകുന്ന സംഭവങ്ങളാണ് ചിത്രത്തിന്റെ പ്രമേയമെന്നാണ് സൂചന.
ജോഷ്വാ ന്യൂട്ടന്‍ ഈ സിനിമയുടെ തിരക്കഥ രചിച്ചുകൊണ്ടിരിക്കുകയാണ്. ഋതു, ഓഫ് സീസണ്‍(കേരളാ കഫെ) എന്നീ ശ്യാമപ്രസാദ് സിനിമകളുടെ രചന ജോഷ്വാ ന്യൂട്ടന്‍റേതായിരുന്നു.
വാല്‍ക്കഷണം: മമ്മൂട്ടിയുടെ സമീപകാലചിത്രം ‘ബാവുട്ടിയുടെ നാമത്തില്‍’, അതിലും അദ്ദേഹത്തിന് ഡ്രൈവര്‍ വേഷമായിരുന്നു! മോഹന്‍ലാല്‍ ടാക്സി ഡ്രൈവറായി അഭിനയിച്ച ലോഹം വന്നിട്ടും അധികകാലമായിട്ടില്ല.
