അനുബന്ധ വാര്ത്തകള്
- വിജയുടെ കരിയറിലെ ഏറ്റവും ചെലവേറിയ ചിത്രം,200 കോടി പ്രതിഫലം, നടന്റെ അവസാനത്തെ ചിത്രത്തെക്കുറിച്ച്...
- അല്ലു അര്ജുന് ഇനി അറ്റ്ലിക്കൊപ്പം ! വമ്പന് പ്രതിഫലം ചോദിച്ച് സംവിധായകന്
- തെലുങ്ക് സൂപ്പര്താരം മഹേഷ് ബാബുവും വീണു! മഞ്ഞുമ്മല് ബോയ്സിന് മുന്നിലുള്ളത് ഇനി ഒരേ ഒരു സിനിമ
- ഇനി ധ്രുവിന്റെ നായിക, തമിഴ് ചിത്രം പ്രഖ്യാപിച്ച് അനുപമ പരമേശ്വരന്,മാരി സെല്വരാജിന്റെ സ്പോര്ട്സ് ബയോപിക് വരുന്നു
- ശരിക്കും മീനാക്ഷിക്ക് എത്ര വയസ്സായി? ആരാധകരുടെ സംശയത്തിന് ഇതാ ഉത്തരം
200 കോടി നേടുമോ ? അതിനുമുമ്പ് 'മഞ്ഞുമ്മല് ബോയ്സ്' വീഴ്ത്തുന്നത് ഈ വമ്പന്മാരെ !
പ്രദര്ശനത്തിനെത്തി ആദ്യ ദിവസം മുതല് മികച്ച പ്രതികരണങ്ങളോടെ മുന്നേറിയ മഞ്ഞുമ്മല് ബോയ്സ് തമിഴ് നാട്ടില് മികച്ച പ്രകടനമാണ് കാഴ്ചവയ്ക്കുന്നത്. 50, 100 കോടി ക്ലബ്ബുകള് പിന്നിട്ട ശേഷം 150 കോടിയിലെത്തി മുന്നേറുകയാണ് സിനിമ. തമിഴ്നാട്ടില് ഇതര ഭാഷ ചിത്രങ്ങള് നേടിയ കളക്ഷനില് മുന്നില് എത്തിയിരിക്കുകയാണ് ഈ മലയാള ചിത്രം.
തമിഴ്നാട്ടില് നിന്ന് പണം വാരിയ ഇതര ഭാഷ ചിത്രങ്ങളില് എട്ടാം സ്ഥാനത്താണ് മഞ്ഞുമ്മല് ബോയ്സ്. സൗത്ത് ഇന്ത്യന് ബോക്സ് ഓഫീസ് റിപ്പോര്ട്ട് പ്രകാരം ഒന്നാം സ്ഥാനത്ത് ബാഹുബലി 2 ആണ്. വൈകാതെ തന്നെ അറ്റ്ലി സംവിധാനം ചെയ്ത ഷാരൂഖാന്റെ ജവാന് തമിഴ്നാട്ടില് നേടിയ കളക്ഷന് മറികടക്കും എന്നാണ് റിപ്പോര്ട്ടുകള്.
151 കോടി നേടി ബാഹുബലി 2 ഒന്നാം സ്ഥാനത്ത് തുടരുമ്പോള് കെജിഎഫ് 2 121 കോടിയാണ് നേടിയത്. മൂന്നാം സ്ഥാനത്ത് ആര്ആര്ആര് ആണ്.83.5 കോടി സ്വന്തമാക്കി. പിന്നാലെ അവതാര് 2, 77 കോടി രൂപയാണ് തമിഴ്നാട്ടില് നിന്ന് സിനിമ നേടിയത്. 64 കോടി രൂപ നേടിയ ബാഹുബലി അഞ്ചാം സ്ഥാനത്ത് തുടരുന്നു. ആറാം സ്ഥാനത്ത് 51 കോടി നേടിയ ജവാനാണ്. 42 കോടിയുമായി അവഞ്ചേഴ്സ് എന്ഡ് ഗെയിം ഏഴാം സ്ഥാനത്തും മഞ്ഞുമ്മല് ബോയ്സ് 41.3 കോടി നേടി പ്രദര്ശനം തുടരുകയാണ് ഇപ്പോഴും. എട്ടാം സ്ഥാനത്താണ് ഈ മലയാള സിനിമ.
എന്നാല് കേരള ബോക്സ് ഓഫീസില് രണ്ടാം സ്ഥാനത്താണ് മഞ്ഞുമ്മല് ബോയ്സ്. 2018 ആണ് മുന്നില്. വൈകാതെ തന്നെ ഈ റെക്കോര്ഡ് മഞ്ഞുമ്മല് ബോയ്സ് മറികടക്കും എന്നാണ് പ്രതീക്ഷിക്കുന്നത്.
