സത്യൻ അന്തിക്കാട് – മോഹൻലാൽ കൂട്ടുകെട്ട് മലയാള സിനിമയിൽ വലിയ ഹിറ്റ് ആണ് . മോഹൻലാലിൻറെ ഹിറ്റ് ചിത്രങ്ങളെടുത്താൽ സത്യൻ അന്തിക്കാട് ചിത്രങ്ങൾ ആ കൂട്ടത്തിൽ ഉണ്ടാവും. അവർ തമ്മിലുള്ള കെമിസ്ട്രിയും അങ്ങനെയാണ്.

ഇപ്പോൾ, സംവിധാന രംഗത്ത് ഒരു കൈ നോക്കാനുള്ള തയ്യാറെടുപ്പിലാണ് മോഹൻലാൽ. ബറോസ് എന്ന ചിത്രമാണ് മോഹൻലാൽ സംവിധാനം ചെയ്യുന്നത്. ഒരു അവാർഡ് നിശയിൽ മോഹൻലാൽ സംവിധായകനാകുന്നതിനെ കുറിച്ച് ചോദിച്ചപ്പോൾ . സത്യൻ അന്തിക്കാട് പറഞ്ഞ മറുപടി ആരാധകർ ഏറ്റെടുത്തിരിക്കുകയാണ്.

മോഹൻലാൽ സംവിധായകനാവുന്നു. എന്താണ് അഭിപ്രായം?’- സൂപ്പർ ഹിറ്റ് സംവിധായകരായ സത്യൻ അന്തിക്കാടിനോടും പ്രിയദർശനോടുമുള്ള ചോദ്യമായിരുന്നു ഇത്. ‘മോഹൻലാലിന് ഇതു തന്നെ വരണം’- ചിരിപടർത്തി സത്യൻ അന്തിക്കാടിന്റെ മറുപടി.

സംവിധായകൻ ചിന്തിക്കുന്നതിന്റെ എത്രയോ ഇരട്ടി തിരിച്ചു നൽകുന്ന മോഹൻലാലിന്റെ ഉള്ളിൽ ഒരു സംവിധായകനുണ്ടെന്ന കാര്യം നേരത്തെ വ്യക്തമായിരുന്നുവെന്ന് സത്യൻ അന്തിക്കാട് പറഞ്ഞു. സത്യന്റെ വാക്കുകൾ 100 ശതമാനം ശരിയാണെന്നായിരുന്നു അടുത്ത് നിന്നിരുന്ന പ്രിയദർശനും പറഞ്ഞത്.