ആരാധകർ കാത്തിരിക്കുന്ന ബാഹുബലിയുടെ രണ്ടാം ഭാഗത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. രുകൈയ്യില്‍ വാളും മറുകയ്യിലും ചങ്ങലയും ചുഴറ്റി വരുന്ന കിടിലന്‍ ഗറ്റപ്പിലാണ് ഫസ്റ്റ് ലുക്ക് പോസ്റ്ററില്‍ പ്രഭാസ് പ്രത്യക്ഷപെടുന്നത്. മുബൈയില്‍ നടന്ന മാമി ഫിലിം ഫെസ്റ്റിവലില്‍ വെച്ചാണ് പോസ്റ്റര്‍ പുറത്തിറക്കിയത്.

പ്രഭാസിന്റെ ജന്മദിനത്തിൽ അദ്ദേഹത്തിന് സമ്മാനമെന്ന നിലയിലാണ് രാജമൗലി പോസ്റ്റർ പുറത്തിറക്കിയിരിക്കുന്നത്. മിനുട്ടുകള്‍ക്കുള്ളില്‍ പതിനായിരക്കണക്കിനു പ്രതികരണങ്ങളാണ് രാജമൗലിയുടെ ട്വീറ്റിനു ലഭിച്ചത്. #Baahubali2FirstLook ഇന്ത്യന്‍ ട്വിറ്ററില്‍ ടോപ് ട്രെന്‍ഡായി മാറുകയും ചെയ്തു. ചിത്രത്തിന്റെ വീഡിയോ ഫസ്റ്റ്‌ലുക്കും പുറത്ത് വിട്ടിട്ടുണ്ട്.

2015 ജൂലൈ 10 ന് റീലീസായ ബാഹുബലിയുടെ ഒന്നാം ഭാഗം 650 കോടി രൂപയാണ് കളക്ഷന്‍ നേടിയത്. രണ്ടാം ഭാഗം ഈ റെക്കോര്‍ഡ് മറികടക്കുമെന്നാണ് അണിയറ പ്രവര്‍ത്തകരുടെ പ്രതീക്ഷിക്കുന്നത്‌.അടുത്ത വര്‍ഷം ഏപ്രില്‍ 28 നാണ് ചിത്രം പ്രദര്‍ശത്തിനെത്തുന്നത്.