കെ ആര്‍ അനൂപ്|
Last Modified ശനി, 4 ഡിസം‌ബര്‍ 2021 (10:45 IST)
തമിഴിലെ പ്രശസ്ത സംവിധായകന്‍ പാ രഞ്ജിത്ത് ആദ്യമായി ചിയാന്‍ വിക്രമുമായി കൈകോര്‍ക്കുന്നു. കഴിഞ്ഞ ദിവസമാണ് സിനിമയെക്കുറിച്ചുള്ള ഔദ്യോഗിക പ്രഖ്യാപനം വന്നത്. 'ചിയാന്‍ 61' എന്ന് താല്‍ക്കാലികമായി പേരിട്ടിരിക്കുന്ന ചിത്രത്തിന്റെ ഷൂട്ടിംഗ് ഉടന്‍ ആരംഭിക്കും.
പാ രഞ്ജിത്ത് ഈ സിനിമയുടെ കഥ ആദ്യം പറഞ്ഞത് വിജയിനോട് ആയിരുന്നു റിപ്പോര്‍ട്ടുകള്‍.
രജനിയുടെ 'കാലാ' ചെയ്തതിനുശേഷം വിജയ്ക്കൊപ്പം ഒരു സൂപ്പര്‍ഹീറോ ചിത്രം പാ രഞ്ജിത്ത് പദ്ധതിയിട്ടിരുന്നു.കുറച്ച് വര്‍ഷങ്ങള്‍ക്ക് മുമ്പ് സമാനമായ സിനിമ ചെയ്തതിനാല്‍ ഇത്തരമൊരു സൂപ്പര്‍ഹീറോ സിനിമ ചെയ്യാന്‍ വിജയ് തയ്യാറായില്ലെന്നാണ് റിപ്പോര്‍ട്ടുകള്‍. അതിനുശേഷം 'ചിയാന്‍ 61' കഥയും നേരത്തെ വിജയ്യോട് സംവിധായകന്‍ പറഞ്ഞിരുന്നു.വിജയ്യോട് നേരത്തെ പറഞ്ഞ അതേ സൂപ്പര്‍ഹീറോ കഥയാണെന്ന് വീണ്ടും സംവിധായകന്‍ പറഞ്ഞതെന്ന് പറയപ്പെടുന്നു.
മഹാന്‍, കോബ്ര, ധ്രുവ നച്ചത്തിരം, പൊന്നിയന്‍ സെല്‍വന്‍ തുടങ്ങിയ നാല് ചിത്രങ്ങളുടെ റിലീസിനായി കാത്തിരിക്കുകയാണ് വിക്രം.
