ഉര്‍വശി,കല്പന,കലാരഞ്ജിനി ഈ മൂന്ന് സഹോദരിമാരും മലയാളികള്‍ക്ക് പ്രിയപ്പെട്ടവരാണ്. ഇവരുടെ കുടുംബ വിശേഷങ്ങള്‍ അറിയുവാനും ആരാധകര്‍ക്ക് ഇഷ്ടമാണ്. ഉര്‍വശിയുടെ മകള്‍ സിനിമയില്‍ എത്തിക്കഴിഞ്ഞു. മകള്‍ കുഞ്ഞാറ്റ എന്ന തേജാലക്ഷ്മി സോഷ്യല്‍ മീഡിയയിലും സജീവമാണ്. പുതിയ കാലത്ത് അനുസരിച്ച് തന്റെ വിശേഷങ്ങള്‍ സോഷ്യല്‍ മീഡിയയിലൂടെ പങ്കുവയ്ക്കാന്‍ ഉര്‍വശിയും ഇന്‍സ്റ്റാഗ്രാം അക്കൗണ്ട് തുടങ്ങിയിരുന്നു.ഉര്‍വശി ശിവപ്രസാദ് എന്ന പേരില്‍ അക്കൗണ്ട് ആരംഭിച്ചത്.കല്പനയുടെ പുത്രി ശ്രീമയിയും ഇന്‍സ്റ്റഗ്രാമില്‍ ആക്ടീവാണ്. എന്നാല്‍ ഈ കുടുംബത്തില്‍ നിന്ന് ഇന്‍സ്റ്റഗ്രാമില്‍ പ്രവേശിക്കാത്ത ഒരാളുണ്ട്. അയാള്‍ കൂടി സോഷ്യല്‍ മീഡിയയുടെ ലോകത്ത് എത്തിക്കഴിഞ്ഞു.

കഴിഞ്ഞദിവസമാണ് ഉര്‍വശിയുടെ മൂത്ത സഹോദരി കലാരഞ്ജിനി ഇന്‍സ്റ്റഗ്രാം അക്കൗണ്ട് തുടങ്ങിയത്.സോഷ്യല്‍ മീഡിയ സെലിബ്രിറ്റി ശ്രുതി സുരേഷ്, നടി ദിവ്യ എം. നായര്‍ എന്നിവര്‍ക്കൊപ്പം റീല്‍സ് ചെയ്താണ് കലാരഞ്ജിനിയുടെ സോഷ്യല്‍ മീഡിയയിലെ അരങ്ങേറ്റം ഗംഭീരമാക്കിയത്.

'ശ്രീകൃഷ്ണപുരത്തെ നക്ഷത്രത്തിളക്കം' സിനിമയിലെ ഒരു രംഗമാണ് ഇവര്‍ അവതരിപ്പിച്ചിരിക്കുന്നത്.കലാരഞ്ജിനിക്ക് ഒരു മകനുണ്ട്.ഉര്‍വശിയുടെ ഭര്‍ത്താവ് ശിവപ്രസാദിനും ഇന്‍സ്റ്റഗ്രാം അക്കൗണ്ട് ഉണ്ട്.