aparna shaji|
Last Modified ബുധന്‍, 21 ഡിസം‌ബര്‍ 2016 (18:46 IST)
തിയറ്റർ ഉടമകളും ചലച്ചിത്ര നിർമ്മാതാക്കളും വിതരണക്കാരും തമ്മിലുള്ള തർക്കം രൂക്ഷമായതോടെ സിനിമകൾ ഒന്നും ഇത്തവണത്തെ ക്രിസ്തുമസിന് റിലീസ് ചെയ്യില്ലെന്ന് ഇന്നലെ നടന്ന ചർച്ചയിൽ തീരുമാനമായിരുന്നു. തർക്കത്തിൽ ഇപ്പോൾ പ്രദർശിപ്പിച്ച് കൊണ്ടിരിക്കുന്ന സിനിമകളും പിൻവലിക്കുകയാണ്. ഇതോടെ ആരാധകർ നിരാശയിലാണ്. ക്രിസ്മസിന് പുതിയ സിനിമകൾ കാണാൻ പറ്റില്ലല്ലോ എന്ന വിഷമം മാറ്റാനുള്ള മരുന്നുമായാണ് മിനിസ്ക്രീൻ എത്തുന്നത്.
ക്രിസ്മസ് സീസണില്‍ കേരളത്തിലെ തിയറ്ററുകളില്‍ റിലീസുകള്‍ ഇല്ലെങ്കിലും ചാനലുകളില്‍ സിനിമാ ചാകരയാണ്. സമീപകാല സൂപ്പര്‍ഹിറ്റുകളാണ് വിവിധ ചാനലുകളിലെ ക്രിസ്മസ് സിനിമകള്‍. ക്രിസ്മസ് -ന്യൂ ഇയര്‍ പ്രൈം ടൈമില്‍ കടുത്ത മത്സരമാണ് ചാനലുകള്‍ തമ്മില്‍. സിനിമകളുടെ തെരഞ്ഞെടുപ്പില്‍ ക്രിസ്മസ് ദിനങ്ങളിലും ഏഷ്യാനെറ്റാണ് ഒരു പടി മുന്നില്‍. ബാര്‍ക്ക് റേറ്റിംഗ് പ്രകാരം തുടര്‍ച്ചയായി ഒന്നാം സ്ഥാനത്തുള്ള ഏഷ്യാനെറ്റ് പ്രധാനമായും രണ്ട് ചിത്രങ്ങളാണ് ക്രിസ്മസ് നാളുകളില്‍ പ്രേക്ഷകരിലെത്തിക്കുക. ജീത്തു ജോസഫ് -പൃഥ്വിരാജ് കൂട്ടുകെട്ടിലെത്തിയ ഊഴം,100 കോടി ക്ലബ്ബില്‍ ഇടംപിടിച്ച മോഹന്‍ലാലിന്റെ തെലുങ്ക് സൂപ്പര്‍ഹിറ്റ് ജനതാ ഗാരേജ്.
സൂര്യയിൽ വെൽകം ടു സെൻട്രൽ ജയിൽ, ജയസൂര്യയുടെ പ്രേതം, ജൂഡ് ആന്റണിയുടെ ഒരു മുത്തശ്ശി ഗദ തുടങ്ങിയ സിനിമകളാണ് സൂര്യ ടി വിയിൽ സംപ്രേഷണം ചെയ്യുക. മ്മൂട്ടിയുടെ തോപ്പില്‍ ജോപ്പന്‍ സംപ്രേഷണാവകാശം സൂര്യയ്ക്കാണ്. ക്രിസ്മസിനോ പുതുവര്‍ഷത്തിലോ ഈ ചിത്രവും സൂര്യ സംപ്രേഷണം ചെയ്യുമെന്ന് സൂചനകളുണ്ട്. മഴവില്‍ മനോരമയില്‍ ഗപ്പിയാണ് ക്രിസ്മസ് ചിത്രങ്ങളില്‍ പ്രധാനപ്പെട്ടത്. ഫ്‌ളവേഴ്‌സില്‍ തിയറ്ററുകളില്‍ വലിയ ചലനം തീര്‍ക്കാത്ത പുതിയ ചിത്രങ്ങളുണ്ടാകുമെന്നാണ് അറിയുന്നത്.
