അനുബന്ധ വാര്ത്തകള്
- "വീണ്ടും ടൈ, സൂപ്പർ ഓവർ" കിവികൾക്കെതിരെ ത്രസിപ്പിക്കുന്ന വിജയം സ്വന്തമാക്കി ഇന്ത്യൻ പട
- സിക്സ് അടിക്കാതെയും മാസ് കാണിക്കാം, മനീഷ് പാണ്ഡെയുടേത് സഞ്ജുവടക്കമുള്ളവർ കണ്ടുപഠിക്കേണ്ട ഇന്നിങ്സ്!!
- ആ മൂന്ന് ഘടകങ്ങളാണ് ഇന്ത്യയെ ലോകോത്തര ടീമാക്കുന്നതെന്ന് ഇൻസമാം
- തല്ല് വാങ്ങിയും സൂപ്പർ ഓവർ ബുമ്രക്ക് കൊടുത്തത് എന്തുകൊണ്ട് ? കാരണം വ്യക്തമാക്കി രോഹിത്
- ആ ക്യാച്ച് തുണയായി, സഞ്ജുവിനെ ഇറക്കും; കോഹ്ലിയുടെ പുതിയ പ്ലാൻ !
എന്തുകൊണ്ട് പന്തിന് അവസരം നൽകിയില്ല: കോലിക്കെതിരെ സേവാഗ്
ന്യൂസിലൻഡിനെതിരെ നാലാം ടി20യിൽ ഋഷഭ് പന്തിന് അവസരം നൽകാത്തതിനെതിരെ മുൻ ഇന്ത്യൻ വെടിക്കെട്ട് ഓപ്പണിങ് താരം വിരേന്ദ്ര സേവാഗ് രംഗത്ത്. ടീമിൽ റിസർവ്വ് താരങ്ങൾക്ക് പോലും അവസരങ്ങൾ നൽകിയപ്പോൾ പന്തിനെ ഒഴിവാക്കിയത് ശരിയായില്ലെന്ന അഭിപ്രായമാണ് സേവാഗിനുള്ളത്. സൈഡ് ബെഞ്ചിലായിരുന്നു പന്തിന്റെ സ്ഥാനം. അദ്ദേഹം അവിടിരുന്ന് കൊണ്ട് എങ്ങനെ റൺസ് കണ്ടെത്തുമെന്നും സേവാഗ് ചോദിച്ചു.
ഒരു കളിക്കാരനെ വലിയ സംഭവമായി ചിത്രീകരിച്ച് അവതരിപ്പിച്ച് ഇങ്ങനെ ഒഴിവാക്കുന്നത് ശരിയല്ലെന്നും പ്രകടനത്തിലെ സ്ഥിരതയില്ലായ്മയാണ് പ്രശ്നമെങ്കിൽ അത് പന്തിനോട് വിശദമായി സംസാരിക്കണമെന്നും, കോലി അത്തരത്തിൽ ചെയ്തിട്ടുണ്ടോ എന്നതിനെ പറ്റി അറിയില്ലെന്നും സേവാഗ് പറഞ്ഞു.
തങ്ങളുടെ കാലത്ത് കളിക്കാരും നായകനും തമ്മിൽ ആശയവിനിമയം നടന്നിരുന്നുവെന്നും ഇപ്പോൾ അതില്ലെങ്കിൽ തെറ്റാണെന്നും പറഞ്ഞ സേവാഗ് ഏഷ്യാ കപ്പിൽ രോഹിത് ശർമ്മ നായകനായിരുന്നപ്പോൾ അദ്ദേഹം കളിക്കാരോടെല്ലാം ആശയവിനിമയം നടത്തിയിരുന്നതായി കേട്ടിട്ടുണ്ടെന്നും കൂട്ടിച്ചേർത്തു.
