ധാക്ക|
jibin|
Last Modified ശനി, 5 മാര്‍ച്ച് 2016 (04:22 IST)
ട്വന്റി-20 ലോകകപ്പ് പടിവാതില്‍ക്കല്‍ നില്‍ക്കെയും ഏഷ്യാകപ്പ് ഫൈനലിലേക്ക്
ടീം ഇന്ത്യ മാര്‍ച്ച് ചെയ്യുകയും ചെയ്‌തതിന് പിന്നാലെ ടീമിന്റെ കരുത്തില്‍ വിശ്വാസമര്‍പ്പിച്ച് നായകന്‍ മഹേന്ദ്ര സിംഗ് ധോണി രംഗത്ത്. ട്വന്റി-20
ഫോര്‍മാറ്റില്‍ ടീം ഇന്ത്യ ലോകത്ത് ഏതൊരു ടീമിനും വെല്ലുവിളിയാണ്. ഏത് സാഹചര്യത്തിലും ടീം ഇന്ത്യക്ക് മികച്ച മത്സരം കാഴ്ച്ചവെക്കാനാകുമെന്നും അദ്ദേഹം പറഞ്ഞു.
ട്വന്റി-20 ഫോര്‍മാറ്റില്‍ ഇന്ത്യന്‍ ടീം ശക്തമാണ്. ലോകോത്തര ബാറ്റ്‌സ്‌മാന്മാരും ബോളര്‍മാരും നിറഞ്ഞതാണ് ഇന്ത്യന്‍ ടീം. മൂന്ന് പേസ് ബോളര്‍മാരും രണ്ട് സ്‌പിന്നര്‍മാരും ആരെയും ഭയപ്പെടുത്തുന്നതാണ്. ഏഷ്യാകപ്പ് ഫൈനലില്‍ ബംഗ്ലാദേശിനെതിരായ മത്സരം കടുപ്പമേറിയതാകും. ആ ദിവസത്തെ പ്രകടനം പോലെയാകും ജയമെന്നും ധോണി പറഞ്ഞു.
അതെസമയം ട്വന്റി-20 ഫോര്‍മാറ്റിലെ ഈ ഉറപ്പ് ഏകദിന മത്സരങ്ങള്‍ക്ക് നല്‍കാനാകില്ലെന്ന് ധോണി കൂട്ടിച്ചേര്‍ത്തു. യുഎഇയെ ഒന്‍പത് വിക്കറ്റിന് തകര്‍ത്ത ശേഷം സംസാരിക്കുകയായിരുന്നു അദ്ദേഹം.
