അനുബന്ധ വാര്ത്തകള്
- ലെപ്സിഷിനെ 7 ഗോളിൽ മുക്കി, ഹാളണ്ടിന് അഞ്ച് ഗോൾ, സിറ്റി ചാമ്പ്യൻസ് ലീഗ് ക്വാർട്ടറിൽ
- മറ്റ് ടീമുകളെല്ലാം പാകിസ്ഥാനിൽ വരുന്നു, ഇന്ത്യയ്ക്ക് മാത്രം എന്താണിത്ര സുരക്ഷാ ആശങ്കയെന്ന് പാകിസ്ഥാൻ
- കോലിയെ വിമർശിക്കാൻ ഇവരെല്ലാം ആരാണ്, പിന്തുണയുമായി മുഹമ്മദ് ആമിർ
- 2013ന് ശേഷം ഐസിസി കിരീടമില്ല, ലോക ടെസ്റ്റ് ചാമ്പ്യൻഷിപ്പ് ഇന്ത്യയ്ക്ക് അഭിമാനപ്രശ്നം
- പരിക്കേറ്റ ശ്രേയസിന് പകരം താരം വേണ്ട, സഞ്ജു വേണ്ടെന്ന് വാശിപിടിച്ചത് മുൻ ഇന്ത്യൻ ഓപ്പണർ
ലെജൻഡ്സ് ലീഗിൽ ഉത്തപ്പയുടെ ബാറ്റിംഗ് വെടിക്കെട്ട്, ഏഷ്യൻ ലയൺസിനെ അടിച്ചൊതുക്കി ഇന്ത്യൻ മഹാരാജാസ്
ലെജൻഡ്സ് ലീഗ് ക്രിക്കറ്റിൽ ഇന്ത്യ മഹാരാജാസിന് തകർപ്പൻ വിജയം. ഏഷ്യൻ ലയൺസിനെ 10 വിക്കറ്റിനാണ് ഇന്ത്യ തകർത്തത്. ടൂർണമെൻ്റിലെ ആദ്യ 2 മത്സരങ്ങളും പരാജയപ്പെട്ട ഇന്ത്യയുടെ ആദ്യ വിജയമാണിത്. ആദ്യം ബാറ്റ് ചെയ്ത ഏഷ്യൻ ലയൺസ് ഉപുൽ തരംഗയുടെ അർധസെഞ്ചുറിയുടെ മികവിൽ അഞ്ച് വിക്കറ്റ് നഷ്ടത്തിൽ 157 റൺസാണടിച്ചത്. മറുപടി ബാറ്റിംഗിനിറങ്ങിയ ഇന്ത്യയ്ക്കായി ഇന്ത്യൻ ഓപ്പണർമാരായ ഗൗതം ഗംഭീറും റോബിൻ ഉത്തപ്പയും തകർത്തടിച്ചപ്പോൾ അനായാസവിജയമാണ് ടീം സ്വന്തമാക്കിയത്.
ഉത്തപ്പ 39 പന്തിൽ നിന്നും 88 റൺസടിച്ചപ്പോൾ ഗംഭീർ 36 പന്തിൽ 61 റൺസടിച്ചു. 11 ഫോറും 5 സിക്സും അടങ്ങുന്നതായിരുന്നു ഉത്തപ്പയുടെ ഇന്നിങ്ങ്സ്. ഇതിൽ മുഹമ്മദ് ഹഫീസിനെ ഒരോവറിൽ തുടർച്ചയായി 3 സിക്സുകൾ പറത്തിയതും ഉൾപ്പെടുന്നു. പാക് സൂപ്പർ പേസർ ഷൊയേബ് അക്തർ കളിക്കാനിറങ്ങിയിരുന്നെങ്കിലും വിക്കറ്റൊന്നും നേടാനായില്ല. ഇന്ത്യ മഹാരാജാസിന് വേണ്ടി സുരേഷ് റെയ്ന രണ്ടും പ്രവീൻ താംബെ, റോജർ ബിന്നി എന്നിവർ ഓരോ വിക്കറ്റും എടുത്തു.
