മമ്മൂട്ടിയുടെ കരിയറിലെ തന്നെ ശ്രദ്ധിക്കപ്പെട്ട കഥാപാത്രങ്ങളില്‍ ഒന്നാണ് രാജന്‍ സക്കറിയ. വലിയ വാണിജ്യവിജയമായി മാറിയില്ലെങ്കിലും ഒട്ടനേകം വിവാദങ്ങളിലേക്ക് സിനിമ വലിച്ചിഴക്കപ്പെട്ടിരുന്നു. സിനിമയിലെ സ്ത്രീവിരുദ്ധമായ പരാമര്‍ശങ്ങള്‍ ഉയര്‍ത്തികാണിച്ചായിരുന്നു വിമര്‍ശനങ്ങളും വിവാദങ്ങളും ഉണ്ടായത്. അടുത്തിടെ ഗീതുമോഹന്‍ ദാസ് സംവിധാനം ചെയ്യുന്ന ടോക്‌സിക് എന്ന യാഷ് ചിത്രത്തിന്റെ ഫസ്റ്റ് ഗ്ലിമ്പ്‌സ് പുറത്തുവന്നതോടെ കസബ വീണ്ടും ചര്‍ച്ചകളില്‍ വന്നിരുന്നു.

ഇപ്പോഴിതാ കസബ സിനിമയെ പറ്റിയുണ്ടായ വിവാദങ്ങള്‍ അന്നും ഇന്നും അവാവശ്യമായിരുന്നു എന്നാണ് തോന്നുന്നതെന്ന് പറഞ്ഞിരിക്കുകയാണ് സിനിമയുടെ നിര്‍മാതാവായ ജോബി ജോര്‍ജ്. അനാവശ്യമായ പഴിചാരലുകളായിരുന്നു. അതിമനോഹരമായ സിനിമയായിരുന്നു കസബ. അന്നത്തെ ആ പഴിചാരലുകള്‍ ഇല്ലായിരുന്നെങ്കില്‍ ഒരു പക്ഷേ ഒരു ഇരുപത്തിയഞ്ച് ലക്ഷമെങ്കിലും എനിക്ക് കൂടുതല്‍ കിട്ടിയേനെ. പഷേ അത് സാരമില്ല. മലയാള സിനിമ ഉള്ളിടത്തോളം രാജന്‍ സക്കറിയ വന്നുകൊണ്ടിരിക്കും. രാജന്‍ സക്കറിയ ചരിത്രത്തിന്റെ ഭാഗമാണ്. ഗുഡ് വില്‍ എന്റര്‍ടൈന്മെന്‍്‌സിന്റെ ലോഗോയില്‍ പോലും ഇടം പിടിച്ചിട്ടുണ്ട്. ഫില്‍മി ബീറ്റിനോടുള്ള അഭിമുഖത്തില്‍ താരം പറഞ്ഞു. രാജന്‍ സക്കറിയുടെ രണ്ടാം വരവുണ്ടായാല്‍ ഗംഭീരമായിരിക്കുമെന്നും ജോബി ജോര്‍ജ് പറഞ്ഞു.