കെ ആര്‍ അനൂപ്|
Last Modified ബുധന്‍, 22 നവം‌ബര്‍ 2023 (12:07 IST)
മമ്മൂട്ടിയെ നായകനാക്കി വൈശാഖ് സംവിധാനം ചെയ്യുന്ന പുതിയ ചിത്രമാണ് ടര്‍ബോ. മിഥുന്‍ മാനുവല്‍ തോമസ് രചന നിര്‍വഹിച്ചിരിക്കുന്ന ആക്ഷന്‍ ഒരുങ്ങുകയാണ്. സിനിമയെ കുറിച്ച് മമ്മൂട്ടി പറഞ്ഞ വാക്കുകളാണ് ശ്രദ്ധ നേടുന്നത്.
ടര്‍ബോയില്‍ മമ്മൂട്ടി ഇടിയോടിടി ആയിരിക്കുമോ എന്ന മാധ്യമപ്രവര്‍ത്തകന്റെ ചോദ്യത്തിന് എന്താണ് നിങ്ങള്‍ക്ക് വേണ്ടത് എന്നായിരുന്നു മമ്മൂട്ടിയുടെ മറുചോദ്യം.തങ്ങള്‍ക്ക് വേണ്ടതും ഇടിയോടിടി ആണെന്ന് മാധ്യമ പ്രവര്‍ത്തകന്‍ മറുപടി പറഞ്ഞതോടെ, അത് തരാം എന്നായിരുന്നു മമ്മൂട്ടിയും പറഞ്ഞത്. എന്തായാലും മെഗാസ്റ്റാര്‍ ആരാധകര്‍ ആവേശത്തിലാണ്.
പോക്കിരി രാജ, മധുര രാജ തുടങ്ങിയ സിനിമകളുടെ വിജയത്തിനുശേഷം വൈശാഖ് - മമ്മൂട്ടി കൂട്ടുകെട്ടില്‍ ഒരുങ്ങുന്നു സിനിമ കൂടിയാണിത്. 100 ദിവസത്തെ ചിത്രീകരണമാണ് പ്ലാന്‍ ചെയ്തിരിക്കുന്നത്.അടുത്ത സമ്മര്‍ അല്ലെങ്കില്‍ ഓണം റിലീസ് ആയിരിക്കാനാണ് സാധ്യത.മമ്മൂട്ടി കമ്പനിയുടെ ബാനറില്‍ മമ്മൂട്ടി തന്നെ നിര്‍മ്മിക്കുന്ന ചിത്രത്തില്‍ സണ്ണി വെയ്ന്‍, അര്‍ജുന്‍ ദാസ്, സുനില്‍, നിരഞ്ജന അനൂപ്, അഞ്ജന ജയപ്രകാശ് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
ജസ്റ്റിന്‍ വര്‍ഗീസ് സംഗീതം ഒരുക്കുന്നു.ഷമീര്‍ മുഹമ്മദ് എഡിറ്റിംഗ് നിര്‍വഹിക്കുന്നു.ഫീനിക്‌സ് പ്രഭു ആണ് എഡിറ്റിംഗ് കൈകാര്യം ചെയ്യുന്നത്.വിഷ്ണു ശര്‍മയാണ് ഛായാഗ്രാഹകന്‍.
