കെ ആര്‍ അനൂപ്|
Last Modified ബുധന്‍, 31 മെയ് 2023 (15:40 IST)
ഗുസ്തി താരങ്ങള്‍ക്ക് പിന്തുണയുമായി മലയാളത്തിന്റെ പ്രിയ താരം ടോവിനോ തോമസ്. വിഷയത്തില്‍ മറ്റു താരങ്ങള്‍ ഇടപെടാന്‍ മടിക്കുമ്പോള്‍ സോഷ്യല്‍ മീഡിയയിലൂടെ തന്നെ നിലപാട് തുറന്നു പറയുവാന്‍ നടന് യാതൊരു മടിയുമില്ല.ഗുസ്തി ഫെഡറേഷന്‍ അധ്യക്ഷനും ബിജെപി എംപിയുമായ ബ്രിജ് ഭൂഷണ്‍ സിംഗിനെതിരെ ലൈംഗീകാരോപണത്തില്‍ നടപടിയെടുക്കാത്തതില്‍ പ്രതിഷേധിച്ച് നടത്തിവരുന്ന സമരത്തിന് പിന്തുണയറിയിച്ച് മലയാളി താരമായ ടോവിനോ.
'അന്താരാഷ്ട്ര കായിക വേദികളില്‍ നമ്മുടെ യശസ്സ് ഉയര്‍ത്തി പിടിച്ചവരാണ്. ഒരു ജനതയുടെ മുഴുവന്‍ പ്രതീക്ഷകള്‍ക്ക് വിജയത്തിന്റെ നിറം നല്‍കിയവര്‍. ആ പരിഗണനകള്‍ വേണ്ട , പക്ഷേ നമ്മുടെ രാജ്യത്തെ ഏതൊരു സാധാരണക്കാരനും അര്‍ഹിക്കുന്ന നീതി ഇവര്‍ക്ക് ലഭിക്കാതെ പോയിക്കൂടാ. എതിര്‍പക്ഷത്ത് നില്‍ക്കുന്നവര്‍ ശക്തരായത് കൊണ്ട് ഇവര്‍ തഴയപ്പെട്ടു കൂടാ'-എന്നാണ് ഗുസ്തി താരങ്ങളുടെ ചിത്രങ്ങള്‍ പങ്കുവെച്ചുകൊണ്ട് ടോവിനോ തോമസ് കുറിച്ചത്.
