അഭിറാം മനോഹർ|
Last Modified വെള്ളി, 23 ജൂണ്‍ 2023 (14:35 IST)
കൊല്ലം സുധിക്കൊപ്പം അപകടത്തില്‍ പെട്ട മിമിക്രി കലാകാരനും ഡബ്ബിംഗ് ആര്‍ട്ടിസ്റ്റുമായ മഹേഷ് കുഞ്ഞുമോന്റെ ആരോഗ്യത്തില്‍ പുരോഗതി. കൊല്ലം സുധിയുടെ മരണത്തിനിടയാക്കിയ വാഹനാപകടത്തില്‍ മഹേഷ് കുഞ്ഞുമോന്റെ മുഖത്തും പല്ലുകള്‍ക്കും ഗുരുതരമായി പരിക്കേറ്റിരുന്നു.
മുഖത്തെ പരിക്കുകളെ തുടര്‍ന്ന് 9 മണിക്കൂര്‍ നീളുന്ന ശസ്ത്രക്രിയയ്ക്കാണ് മഹേഷ് വിധേയനായത്. താന്‍ സുഖം പ്രാപിച്ചുവരുന്നതായുള്ള വിവരം മഹേഷ് തന്നെയാണ് വീഡിയോ പങ്കുവെച്ചത്. ശസ്ത്രക്രിയയ്ക്ക് ശേഷം ഇതാദ്യമായാണ് മഹേഷ് ക്യാമറയ്ക്ക് മുന്നിലെത്തിയത്. താന്‍ അടിപൊളിയായി തിരിച്ചുവരുമെന്നും തനിക്കായി പ്രാര്‍ഥിക്കണമെന്നും മഹേഷ് വീഡിയോയില്‍ പറയുന്നു.
എനിക്ക് വേണ്ടി പ്രാര്‍ഥിച്ച എല്ലാവരോടൂം നന്ദി പറയുകയാണ്. മിമിക്രിയാണ് എന്റെ ജീവിതം. എന്നെ നിങ്ങള്‍ എല്ലാവരും തിരിച്ചറിഞ്ഞതും ഇഷ്ടപ്പെട്ടതും മിമിക്രിയിലൂടെയാണ്. ഇനി കുറച്ച് നാളാഇ റെസ്റ്റാണ്. നിങ്ങള്‍ ആരും വിഷമിക്കേണ്ട. പഴയതിലും അടിപൊളിയായി ഞാന്‍ തിരിച്ചെത്തും. നിങ്ങള്‍ എല്ലാവരും പിന്തുണയ്ക്കണം. എനിക്ക് വേണ്ടി പ്രാര്‍ഥിച്ച എല്ലാവരോടും നന്ദി പറയുകയാണ്. വീഡിയോയില്‍ മഹേഷ് കുഞ്ഞുമോന്‍ പറയുന്നു.
