പ്രസ്‌താവനകളുടെ പേരിൽ എന്നും വാർത്തകളിൽ ഇടം പിടിച്ചിട്ടു‌ള്ള താരമാണ് ബോളിവുഡ് താരം കങ്കണ റണാവത്ത്. ഇപ്പോഴിതാ സമാനമായി മാർവലിന്റെ സൂപ്പർ സീരീസായ അവഞ്ചേഴ്‌സ് മഹാഭാരതത്തിൽ നിന്നും വേദങ്ങളിൽ നിന്നും പ്രചോദനം സ്വീകരിച്ചതാണെന്ന് അവകാശപ്പെട്ടിരിക്കുകയാണ് താരം.

ഇ ടൈംസ് എന്ന മാധ്യമത്തിന് നൽകിയ അഭിമുഖത്തിനിടെയാണ് കങ്കണ ഇത്തരത്തിൽ അഭിപ്രായപ്പെട്ടത്. പാശ്ചാത്യർ നമ്മുടെ പുരാണങ്ങളെ അവരുടെ സിനിമകളിൽ സന്നിവേശിപ്പിക്കാറുണ്ട്. അയൺ മാൻ നമ്മുടെ കർണനെ പോലെ കവചധാരിയാണ്. ഗദയേന്തി നിൽക്കുന്ന ഹനുമാനെ പോലെയാണ് തോർ. അ‌വഞ്ചർ സിനിമ തന്നെ ഹാഭാരതത്തിൽ നിന്ന് പ്രചോദനം കൊണ്ടതായിരിക്കാം.' കങ്കണ പറഞ്ഞു.

അവരുടെ ദൃശ്യവീക്ഷണം വ്യത്യസ്‌തമാണ്. എന്നാൽ ഈ സൂപ്പർ ഹീറോകൾ നമ്മുടെ വേദങ്ങളിൽ നിന്നും പ്രചോ‌ദനം ഉൾകൊണ്ടതാണ്. അവരും ഈ വസ്‌തുത അംഗീകരിക്കുന്നു‌വെന്നും കങ്കണ പറഞ്ഞു.