ഒരു മികച്ച തിരക്കഥ സിനിമയാക്കുമ്പോള്‍ അതിന്‍റെ പൂര്‍ണതയ്ക്കായി എന്ത് ത്യാഗവും ചെയ്യുന്ന താരങ്ങള്‍ ഭാഗ്യവശാല്‍ നമുക്കുണ്ട്. മോഹന്‍ലാലും മമ്മൂട്ടിയും കമല്‍ഹാസനും വിക്രമും എല്ലാം അത്തരത്തിലുള്ളവരാണ്. ഇതാ നായികനിരയില്‍ നിന്ന് അത്തരമൊരു താരം. അമല പോളിനെക്കുറിച്ചാണ് പറഞ്ഞുവന്നത്.
പുതിയ ചിത്രമായ ‘ആടൈ’യില്‍ പൂര്‍ണ നഗ്നയായി അഭിനയിച്ചിരിക്കുകയാണ് അമല പോള്‍. രത്നകുമാര്‍ സംവിധാനം ചെയ്ത ഈ ത്രില്ലര്‍ സ്ത്രീകള്‍ക്കെതിരായ ആക്രമണത്തിന്‍റെ ഏറ്റവും ഭീകരമായ ദൃശ്യങ്ങളാണ് പകര്‍ന്നുതരുന്നത്.
പൊലീസാല്‍ വളയപ്പെട്ട ഒരു വലിയ ബില്‍ഡിംഗില്‍ പൂര്ണനഗ്നയായി കിടക്കുന്ന അമല പോളിനെയാണ് ചിത്രത്തിന്‍റെ ടീസറില്‍ നിന്ന് കാണാനാകുന്നത്. അമലയുടെ ഒരു ശക്തമായ തിരിച്ചുവരവുകൂടിയായി ഈ സിനിമ മാറുമെന്ന് ഉറപ്പാണ്.
