കെ ആര്‍ അനൂപ്|
Last Modified ബുധന്‍, 15 മാര്‍ച്ച് 2023 (14:51 IST)
നടന്‍ മനോജ് കെ ജയന് ഇന്ന് പിറന്നാള്‍. താരത്തിന് ആശംസകളുമായി സിനിമ ലോകം. അഭിനയരംഗത്ത് വന്നില്ലായിരുന്നുവെങ്കില്‍ മനോജ് സിനിമാ പിന്നണി ഗാനരംഗത്തെത്തിയേനെ എന്നാണ് ജി വേണുഗോപാല്‍ പറയുന്നത്.
'ഇന്ന് മനോജ് കെ ജയന്റെ ജന്മദിനം . അഭിനയരംഗത്ത് വന്നില്ലായിരുന്നു എങ്കില്‍ മനോജ് സിനിമാ പിന്നണി ഗാനരംഗത്തെത്തിയേനെ! അച്ഛന്റെയും വലിയച്ഛന്റെയും മഹത്തായ സംഗീത പാരമ്പര്യവും, കേള്‍വിജ്ഞാനവും, നല്ലൊരു ശബ്ദവും മനോജിന് ജന്മദത്തമായ് ലഭിച്ചതാണ്.
ഈ ഫോട്ടോ ജയരാജിന്റെ ' മെഹ്ഫില്‍ ' എന്ന സിനിമയില്‍ ഞങ്ങള്‍ ഒരുമിച്ചഭിനയിച്ച വേളയില്‍!,'-ജി വേണുഗോപാല്‍ കുറിച്ചു.
57 വയസ്സാണ് മനോജിന്.'ഉടല്‍' സംവിധായകന്‍ രതീഷ് രഘുനന്ദന്‍ സംവിധാനം ചെയ്യുന്ന ദിലീപിന്റെ 148-ാമത്തെ സിനിമയുടെ ചിത്രീകരണ തിരക്കിലാണ് മനോജ്.
ഉണ്ണി മുകുന്ദന്‍ നായകനായി എത്തിയ 'മാളികപ്പുറം ആണ് നടന്റെ ഒടുവില്‍ റിലീസ് ആയ ചിത്രം.
