ഇന്ത്യയിലെ ആദ്യ ഉള്‍നാടന്‍ തുറമുഖം കോട്ടയത്തെ നാട്ടകത്ത് ഉദ്ഘാടനം ചെയ്തു. വ്യവസായ മന്ത്രി എളമരം കരീമാണ് തുറമുഖം നാടിന് സമര്‍പ്പിച്ചത്. വ്യാവസായിക രംഗത്ത്‌ പുതിയ നാഴികകല്ലായ നാട്ടകം തുറമുഖം കൊച്ചിയോടൊപ്പം ഇനി കയറ്റിറക്കുമതിയുടെ പ്രധാന കേന്ദ്രമാകുമെന്ന്‌ എളമരം കരീം പറഞ്ഞു.
നാട്ടകം തുറമുഖം യാഥാര്‍ത്ഥ്യമായതോടെ മധ്യതിരുവിതാംകൂറിലെ ആയിരത്തിലേറെ കയറ്റിറക്കുമതി വ്യവസായികള്‍ക്കും, ചെറുകിട വ്യപാരികള്‍ക്കും ഉപകാരപ്രദമാകും.
ഉള്‍നാടന്‍ ജലപാതകള്‍ കൊണ്ടു സമ്പന്നമായ കോട്ടയത്തിന്‌, ജില്ലയില്‍ നിന്ന്‌ ഇന്ത്യയുടെ വിവിധ ഭാഗങ്ങളിലേക്കും വിദേശത്തേക്കും കയറ്റുമതി ചെയ്യുന്ന ഉല്‍പന്നങ്ങള്‍ ഇനി നാട്ടകം തുറമുഖത്തു നിന്നു കൊച്ചിയിലേക്ക്‌ എത്തിക്കാന്‍ കഴിയും.
