Widgets Magazine Widgets Magazine

ചിങ്ങം രാശിക്കാര്‍ അഭിമാനികള്‍, ധനുരാശിക്കാര്‍ കൂര്‍മ്മബുദ്ധികള്‍

ബുധന്‍, 8 ഒക്‌ടോബര്‍ 2014 (19:11 IST)

Widgets Magazine
ജ്യോതിഷം, പ്രവചനം, സൂര്യരാശി

ജ്യോതിഷത്തില്‍ ജന്‍‌മ നക്ഷത്രം പോലെ തന്നെ പ്രാധാന്യമര്‍ഹിക്കുന്നതാണ് ജന്‍‌മ രാശിയും. ഓരോ ജന്‍‌മ രാശിക്കാര്‍ക്കും പൊതുവായ ചില സ്വഭാവങ്ങളുണ്ട്. എന്നാല്‍ ഇവ എല്ലാവര്‍ക്കും ഒരേപോലെ അനുഭവപ്പെടണമെന്നില്ല. ജനന സമയവും ഗൃഹനിലയും മറ്റ് അനുകൂല- പ്രതികൂല സാഹചര്യങ്ങളും അനുസരിച്ച് ഈ ഗുണ- ദോഷങ്ങല്‍ ഏറിയും കുറഞ്ഞും ഇരിക്കും.ഓരോ ഓരോ വ്യക്തിയും ജനിക്കുന്ന സമയത്തു സൂര്യന്‍ നില്‍ക്കുന്ന രാശിയായിരിക്കും ആ വ്യക്തിയുടെ മലയാള ജന്മമാസം. അതുകൊണ്ട് സൂര്യന്റെ ആശ്രയരാശിഫലം ജന്മമാസത്തിന്റെ ഫലം കൂടിയാണ്.

മേടം രാശിക്കാര്‍ക്ക് പ്രസിദ്ധിയും സാമര്‍ഥ്യവും സഞ്ചാരപ്രിയത്വവും അല്‍പം ധനശേഷിയും ഉണ്ടാകും. ഇവര്‍ ആയുധം ഉപയോഗിക്കുന്ന ജോലികളില്‍ പ്രവേശിക്കാന്‍ സാധ്യത കാണുന്നു. ശസ്ത്രക്രിയവിദഗ്ധനായ ഡോക്ടറാകാനും യോഗമുണ്ട്. സ്വന്തം ഗൃഹമുള്ളവനാകും. കീര്‍ത്തിമാന്‍‌മാരായി ജീവിക്കുന്ന ഇവര്‍ ഏതു കാര്യത്തിലും സമര്‍ഥനും ആകും.

ഇടവംരാശിയില്‍ ജനിച്ചവര്‍ വസ്ത്രങ്ങളുടെയും സുഗന്ധദ്രവ്യങ്ങളുടെയും കച്ചവടം നടത്തുന്നവരാകാന്‍ സാധ്യതയുണ്ട്. ഉന്നത് വിദ്യാഭ്യാസം നേടാന്‍ കഴിയുന്ന ഇവര്‍ എന്‍ജിനീയറിങ് മേഖലയിലും കലാകായികരംഗത്തും പ്രഗല്ഭരായി തീരും.  സാമര്‍ഥ്യത്തിന് ഒട്ടും കുറവില്ലെങ്കിലും ഇത്തരക്കാരുടെ വിവാഹ ജീവിതം അത്ര ശോഭനീയമാവുകയില്ല. ജീവിതപങ്കാളിയുമായി നിരന്തരം വഴക്കിടുന്നവരാകാനാണ് സാധ്യത്.

മിഥുനം രാശിയില്‍ ജനിക്കുന്നവര്‍ വ്യാകരണാദി ശാസ്ത്രത്തിലും ജ്യോതിഷത്തിലും അധ്യാപകനാകും. സംഗീതാദി കലകളില്‍ കഴിവുള്ളവനും ഗണിത വിദഗ്ധനും ധനവാനുമായിരിക്കും. കര്‍ക്കടകം രാശിക്കാര്‍ക്ക് ആലോചിക്കാതെ പെട്ടെന്ന് എടുത്തുചാടി കാര്യങ്ങള്‍ ചെയ്യുന്ന സ്വഭാവമുണ്ട്. അതിനാല്‍ അന്യര്‍ക്കുവേണ്ടി ചെയ്യുന്ന കര്‍മങ്ങള്‍ വിരോധം സമ്പാദിക്കുന്നതിനു കാരനമാകും. ദരിദ്രനും അധ്വാനഭാരം കൂടിയവനും ദുഷ്കര്‍മങ്ങള്‍ ചെയ്യുന്നവനും പരാശ്രയജീവിതക്കാരനും മനസുഖം ഇല്ലാത്തവനുമാകും. സഞ്ചാരക്ളേശവും പെട്ടെന്ന് ദേഹം തളരുന്ന പ്രകൃതവും ഉള്ളവരാണ് കര്‍ക്കടകം രാശിക്കാര്‍.

ചിങ്ങം രാശി സ്വതവേ നല്ല രാശിയാണ്. ഈ രാശിയില്‍ ജനിക്കുന്നവര്‍ മലനാടുകളിലും ഗോകുലം പോലുള്ള സ്ഥലത്തിലും വസിക്കുന്നവരാകും. ബുദ്ധിയും വീര്യവും ഉള്ളവരും മനക്കരുത്തുള്ളവരും ആയിത്തീരും. എന്നാല്‍  മയമില്ലാത്ത സ്വഭാവക്കാരന്‍, അഭിമാനി തുടങ്ങിയ ഗുണങ്ങള്‍ ശത്രുക്കളേ ഉണ്ടാക്കുന്നതിന് കാരണമാകും. നേതൃത്വഗുണമുണ്ടാകും. നീതിമാനും സകലതിലും അറിവുള്ളവനും ആയിരിക്കും.

കന്നി രാശിയില്‍ ജനിച്ചവര്‍ സ്വര്‍ണ്ണപ്പണി, അല്ലെങ്കില്‍ സ്വര്‍ണ്ണ വ്യാപാരം എന്നിവ നടത്തുന്നവരായിട്ടാണ് പൊതുവേ കാണുന്നത്. ഇത്തരക്കാരുടെ ശരീരപ്രകൃതി  സ്ത്രീയുടേതു പോലെയായിരിക്കും. എങ്കിലും എഴുത്ത്, ചിത്രരചന, കാവ്യനിര്‍മാണം, ഗണിതപരിജ്ഞാനം എന്നിവയില്‍ കേമന്മാരായിക്കാണുന്നു.

തുലാം രാശിക്കാര്‍ സ്ത്രീ വിഷയത്തില്‍ താല്‍പ്പര്യമുള്ളവരാകും. മദ്യം വില്‍പ്പനയില്‍ പങ്കാളിയാകുന്നതിനും സാധ്യത കാണുന്നു. ഇത്തരക്കാര്‍ സഞ്ചാരപ്രിയരാണ്. അതിനാല്‍ തന്നെ ഇവരുടെ സ്ഥാനവും ധനവും പെട്ടെന്നു നശിക്കുന്നതിനു സാധ്യതയുണ്ട്. സാഹിത്യകൃതികളുടെ രചനയും ശൃംഗാരലോലുപതയും, ലഹരി പദാര്‍ഥങ്ങളില്‍ ആസക്തിയുണ്ടാകുന്നതുമായിരിക്കും. ഇത്തരക്കാരുടെ കുടുംബ ജീവിതം സുഖകരമായിരിക്കില്ല എന്ന് പറയേണ്ടതില്ലല്ലോ.

വൃശ്ചികം രാശിക്കാര്‍ സ്വതവേ ക്രൂരന്മാരായിട്ടാണ് കരുതപ്പെടുന്നത്. ഇവര്‍ സാഹസികരും വിഷപ്രയോഗക്കാരും ആയുധപ്രയോഗത്തില്‍ മറുകര കണ്ടവരുമാണെന്ന് കാണുന്നു. വ്യാകരണത്തില്‍ സമര്‍ഥരും ഇഷ്ടാനിഷ്ടങ്ങളെ വിചാരിക്കാതെ എന്തു പ്രവൃത്തിയും ചെയ്യുന്നവരും വിഷദ്രവ്യങ്ങള്‍ കൈകാര്യം ചെയ്യുന്നവരും സകല ശാസ്ത്രങ്ങളിലും മറുകര കണ്ടവരും ആയിരിക്കും.

ധനു രാശിയില്‍ പിറന്നവര്‍ ലോകാരാധ്യരാകും. ഇവര്‍ക്ക് ധനവും വൈദ്യശാസ്ത്രത്തില്‍ പ്രാവീണ്യവും ശില്‍പകലയില്‍ നൈപുണ്യവും ഉണ്ടാകും. ആര്‍ക്കും കബളിപ്പിക്കാന്‍ കഴിയാത്ത, കൂര്‍മബുദ്ധിയും ആലോചനാശീലവും ഉള്ളവരുമായ ഇവര്‍ ഉയര്‍ന്നനിലയില്‍ എത്തിച്ചേരുന്നവരുമാണ്

മകരം രാശിക്കാര്‍ കുലത്തിന് യോജിക്കാത്ത പ്രവൃത്തികള്‍ ചെയ്യുന്നവരും അന്യാശ്രയത്തില്‍ ജീവിക്കുന്നവരും അജ്ഞരും ചീത്ത സാധനങ്ങള്‍ കൈകാര്യം ചെയ്യുന്നവരും ദരിദ്രരും ലുബ്ധരും അന്യന്റെ കാര്യത്തില്‍ താല്‍പര്യമുള്ളവരും കള്ളം പറയുന്നവരും ആയിരിക്കും.

കുംഭം രാശിയില്‍ ജനിക്കുന്നവര്‍ നല്ല നിലയില്‍ ജീവിക്കുന്നവരാണെങ്കിലും അവരേക്കോണ്ട് ആര്‍ക്കും യാതൊരു ഉപകാരവുമുണ്ടാവുകയില്ല. സന്താനം, ഭാഗ്യം, ധനം ഇവയില്ലാത്തവരും ദുഷ്കര്‍മങ്ങള്‍ ചെയ്യുന്നവരുമായിരിക്കും. എന്നാല്‍ മിഥുനം രാശിക്കാര്‍ ജലത്തില്‍ നിന്നുണ്ടാകുന്ന വസ്തുക്കളുടെ കച്ചവടം ചെയ്യുന്നവരും ധനവും, സര്‍ക്കാര്‍ ജോലിയും ഉള്ളവരും സ്ത്രീകളാല്‍ ബഹുമാനിക്കപ്പെടുന്നവരും ആയിരിക്കും.




മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക്  ചെയ്യുക. ഫേസ്ബുക്കിലും  ട്വിറ്ററിലും  പിന്തുടരുക.



Widgets Magazine
ഇതിനെക്കുറിച്ച് കൂടുതല്‍ വായിക്കുക :  

Widgets Magazine

ജ്യോതിഷം

news

ഇടം കണ്ണ് തുടിച്ചാല്‍ പ്രിയതമനെ കാണാം!

നിമിത്തം ഭാരതിയ ജ്യോതിഷത്തിലെ പ്രമുഖമായ വലിയൊരു വിഭാഗമാണ്. മനുഷ്യ ശരീരത്തില്‍ ഓരോ ...

news

ഗൃഹ നിര്‍മ്മാണവും ഭൂമിയും തമ്മില്‍ എന്താണു ബന്ധം?

വീടുവയ്ക്കുന്നത് ഭൂമിയിലാണ് അതുതന്നെയല്ലെ ഇവതമ്മിലുള്ള ബന്ധമെന്ന് ചോദിച്ചാല്‍ ഒരു ...

news

സൂക്ഷിച്ചോ... ആറാം നമ്പരുള്ളവര്‍ ആരേയും വശീകരിക്കും!

ജ്യോതിഷം എന്നു പറയുമ്പോഴേ പലര്‍ക്കും അത അന്ധവിശ്വാസമാണെന്ന ധാരണയാണുള്ളത്. എന്നാല്‍ ...

news

ജീവിത വിജയങ്ങള്‍ക്കായി ഫെങ്ഷൂയി

വളരെക്കാലമായി നമ്മള്‍ ഫെങ്ഷൂയി എന്ന വാക്ക് കേള്‍ക്കാറുണ്ട്. നമ്മുടെ വാസ്തുശാസ്ത്രം പോലെ ...

Widgets Magazine Widgets Magazine