കാറിന് സൈഡ് കൊടുത്തില്ലെന്ന് ആരോപിച്ച് കേരളാ കോണ്‍ഗ്രസ് (ബി) നേതാവും എംഎല്‍എയുമായ
കെബി ഗണേഷ് കുമാർ യുവാവിനെ മർദ്ദിച്ചുവെന്ന് കഴിഞ്ഞ ദിവസം റിപ്പോർട്ട് വന്നിരുന്നു. സംഭവത്തിൽ ഗണേഷിനെതിരെ രംഗത്തെത്തിയിരിക്കുകയാണ് പ്രതിപക്ഷ നേതാവ് രമേശ് ചെന്നിത്തല.

ഗണേഷ് കുമാറിൽ നിന്നും ഉണ്ടായത് അംഗീകരിക്കാനാകാത്ത പ്രവ്രത്തിയാണ്. അയാളെ നന്നായിട്ടറിയാം. വ്യക്തിപരമായി അടുപ്പവുമുണ്ട്. നീതികരിക്കാൻ കഴിയാത്ത നടപടിയാണ് എം എൽ എയിൽ നിന്നുമുണ്ടായതെന്ന് ചെന്നിത്തല പറയുന്നു.

നേരത്തേ ഗതാഗതമന്ത്രിയായിരുന്നത് കൊണ്ട് നിയമമെല്ലാം തനിക്കറിയാമെന്ന ഭാവമാണോ എം എൽ എയ്ക്കെന്ന് സംശയിക്കേണ്ടിയിരിക്കുന്നുവെന്നും ചെന്നിത്തല പറയുന്നു.

അതോടൊപ്പം, വി എം സുധീരനെതിരേയും വിമർശനമുന്നയിക്കാൻ ചെന്നിത്തല മറന്നില്ല. സുധീരൻ ഉന്നയിച്ച ആരോപണങ്ങൾക്കൊന്നും മറുപടിയില്ലാഞ്ഞിട്ടല്ല, വേണ്ടെന്ന് വെച്ചിട്ടാണെന്ന് ചെന്നിത്തല വ്യക്തമാക്കുന്നു. പരസ്യവിവാദങ്ങളിൽ ഏർപ്പെടെരുതെന്ന് കെ പി സി സിയിൽ തീരുമാനമുണ്ടെന്ന് ചെന്നിത്തല പറയുന്നു.