പ്രണയം എന്ന വാക്കിന്‍റെ സൌന്ദര്യം ഇന്നത്തെ പല പ്രണയബന്ധങ്ങള്‍ക്കും അവകാശപ്പെടാനാവുമോ എന്നൊരു സംശയം. യുവതലമുറയിലെ പല ബന്ധങ്ങളും പ്രണയം എന്ന പേരിനു തന്നെ അര്‍ഹമല്ല.
പുത്തന്‍ തലമുറ തങ്ങള്‍ക്ക് പ്രണയമുണ്ടെന്നു പറയുന്നതിനേക്കാളും ഞാനൊരാളുമായി ഡേറ്റിംഗിലാണെന്നു പറയാനാണ് താല്പര്യം കാണിക്കുന്നത്. അവര്‍ക്ക് പ്രണയം വെറും പഴഞ്ചന്‍ ഏര്‍പ്പാടായി മാറിക്കഴിഞ്ഞു.
അതൊരു കണക്കിനു നന്നായി. ലൈംഗികതയുടെ മാത്രം സുഖം തേടുന്ന ഇത്തരം ബന്ധങ്ങളെ പ്രണയം എന്നു വിളിച്ച് ആ അനശ്വര സങ്കല്‍‌പത്തെ തന്നെ അപമാനിക്കേണ്ടല്ലൊ. എന്നാല്‍ ഇക്കാലത്തെ പ്രണയത്തിനു വന്ന മാറ്റങ്ങളെ അങ്ങനെ അടച്ചാക്ഷേപിച്ചതു കൊണ്ടും കാര്യമുണ്ടെന്നു തോന്നുന്നില്ല.
ഫാഷണബിള്‍ ആയിക്കൊണ്ടിരിക്കുന്ന യുവത്വം ഡേറ്റിംഗ് എന്നു വിളിക്കുന്ന അവരുടെ പ്രണയങ്ങളില്‍ ഏര്‍പ്പെടുന്നത് വളരെ പ്രാക്ടിക്കലായിട്ടാണ്. പ്രത്യേകിച്ചും കോളേജു ക്യാമ്പസുകളില്‍. കോഴ്സ് കഴിയുന്നതുവരെ നമ്മുക്ക് പ്രണയിക്കാം എന്ന ഒരു കരാറില്‍ അവര്‍ ആദ്യമേ ഒപ്പിടും.
WEBDUNIA|
പിന്നെ പ്രശ്നമില്ലല്ലൊ, കോഴ്സ് കഴിഞ്ഞാല്‍ വര്‍ഷങ്ങളോളം സന്തോഷവും ദുഖവും പങ്കുവച്ചവര്‍ വെറും പരിചയക്കാരായി മാത്രം മാറും ഒരുപക്ഷെ അപരിചിതരും. പിന്നീട് മറ്റൊരു ഇണയോടൊപ്പം എവിടെയെങ്കിലും വച്ച് കണ്ടുമുട്ടിയാലും ഒരു മനസ്ഥാപവുമില്ലാതെ ‘ഹായ്’ പറയാനും കഴിയും
