കാമുകനെ തേടിയെത്തിയ യുവതിയെ മാവോയിസ്റ്റ് നേതാവെന്ന് കരുതി പൊലീസ് അറസ്റ്റ് ചെയ്തു. കഴിഞ്ഞദിവസം കാമുകനെ തേടി ബംഗളുരുവില്‍ നിന്ന് എത്തിയ യുവതിയെ കര്‍ണാടകയിലെ മാവോയിസ്റ്റ് നേതാവ് മഞ്ജുളയെന്ന് തെറ്റിദ്ധരിച്ചാണ് പൊലീസ് കസ്റ്റഡിയിലെടുത്തത്.

പര്‍ദ ധരിച്ച് നടന്നുപോവുകയായിരുന്ന യുവതിയെ സംശയത്തേത്തുടര്‍ന്ന് നാട്ടുകാര്‍ ചോദ്യംചെയ്തു. കന്നഡയിലും ഹിന്ദിയിലും സംസാരിച്ച യുവതി ഒരു വിവാഹച്ചറ്റങ്ങില്‍ പങ്കെടുക്കാനാണ് വന്നതെന്നറിയിച്ചു. എന്നാല്‍ യുവതി മാവോയിസ്റ്റ് മഞ്ജുളയായിരിക്കുമെന്ന് സംശയിച്ച് നാട്ടുകാര്‍ പിന്തുടര്‍ന്നു. തുടര്‍ന്ന് പൊലീസില്‍ വിവരം അറിയിച്ചു.

പിടിയിലായ യുവതി പൊലിസ്നോട് പറഞ്ഞത് താന്‍ ബംഗളുരുവിലെ ആശുപത്രിയില്‍ നഴ്‌സാണെന്നും ബദിയടുക്കയിലെ യുവാവുമായി പ്രണയത്തിലാണെന്നുമാണ്. തുടര്‍ന്ന് യുവാവിനെക്കുറിച്ചു പൊലീസ് അന്വേഷിക്കുകയും. ഇയാള്‍ നാട്ടിലില്ലെന്നും വിദേശത്താണെന്നും വ്യക്തമായതോടെ യുവതിയുടെ ബംഗളുരുവിലുള്ള ബന്ധുക്കളെ വിവരമറിയിച്ചു.