സൊമാലിയയില്‍ യുഎന് ആസ്ഥാനത്ത് നേരെ ചാവേറാക്രമണം. തലസ്ഥാനനഗരമായ മൊഗദിഷുവിലെ ഐക്യരാഷ്ട്ര ഓഫീസിനുനേരേയാണ് ചാവേറാക്രമണമുണ്ടായത്. 15 പേര്‍ കൊല്ലപ്പെടുകയും നിരവധിപ്പേര്‍ക്ക് പരുക്കേല്‍ക്കുകയും ചെയ്തു
ബുധനാഴ്ച യുണൈറ്റഡ് നേഷന്‍സ് ഡെവലപ്‌മെന്‍റ് പ്രോഗ്രാം ആസ്ഥാനത്തിന്റെ ഗേറ്റ് ബോംബാക്രമണത്തിലൂടെ തകര്‍ത്തശേഷം അകത്തുകടന്ന തോക്കുധാരികള്‍ സുരക്ഷാ ഉദ്യോഗസ്ഥര്‍ക്കുനേരേ നിറയൊഴിക്കുകയായിരുന്നു.
30 മിനിറ്റോളം വെടിവെപ്പ് തുടര്‍ന്നു. അല്‍-ഖ്വൊയ്ദയുമായി ബന്ധമുള്ള തീവ്രാദിസംഘം അല്‍ ഷബാബ് ആക്രമണത്തിന്റെ ഉത്തരവാദിത്വം ഏറ്റെടുത്തിട്ടുണ്ട്.
