Last Updated:
വെള്ളി, 1 ഓഗസ്റ്റ് 2014 (17:25 IST)
പത്രത്തിലെ വിശ്വനാഥന്‍, ലേലത്തിലെ കടയാടികള്‍, ന്യൂഡല്‍ഹിയിലെ ശങ്കറും പണിക്കരും - തുടങ്ങി ഒട്ടേറെ കൊടികെട്ടിയ വില്ലന്‍ കഥാപാത്രങ്ങളെ സമ്മാനിച്ചിട്ടുള്ള സംവിധായകനാണ് ജോഷി. അവതാരത്തിലുമുണ്ട് വില്ലന്മാര്. വില്ലന്മാര് എന്നുപറഞ്ഞാല്‍ പോരാ, എണ്ണമെടുക്കാന്‍ കഴിയാത്തത്ര വില്ലന്മാര്.
കരിമ്പന്‍ ജോണ്‍ എന്ന പ്രധാന വില്ലന്‍ കഥാപാത്രത്തെ അവതരിപ്പിക്കുന്നത് ജോയ് മാത്യു ആണ്. വെറുതെ വീടിനുള്ളിലിരുന്ന് വെള്ളമടിക്കാനും ആക്രോശിക്കാനും മാത്രമേ രണ്ടാം പകുതിയുടെ അവസാനം വരെ കക്ഷിക്ക് യോഗമുള്ളൂ. ക്ലൈമാക്സില്‍ ഈ വില്ലനെന്ത് സംഭവിക്കുമെന്നത് കണ്ടുതന്നെ അറിയുക.
മിഥുന്‍ രമേശ്, ഷമ്മി തിലകന്, കണ്ണന്‍ പട്ടാമ്പി തുടങ്ങി ഒട്ടേറെ വില്ലന്‍‌മാരുണ്ട് ചിത്രത്തില്‍. മിഥുന്‍ രമേശ് അവതരിപ്പിക്കുന്ന ജോബി എന്ന വില്ലന്‍ ശ്രദ്ധേയമാണ്. ഷമ്മി തിലകന് വെല്ലുവിളിയുയര്‍ത്തുന്ന കഥാപാത്രമേയല്ല ചിത്രത്തില്‍. അവരെയൊക്കെ മാറ്റിനിര്‍ത്തിയാല്‍ ശ്രീരാമകൃഷ്ണ മൂര്‍ത്തി എന്ന കഥാപാത്രമായി ബാബു നമ്പൂതിരിയുണ്ട്. വല്ലാത്തൊരു കഥാപാത്രസൃഷ്ടിതന്നെ അത്! പിന്നെ, കഥാപാത്രം വളരെ സീരിയസാണെങ്കിലും ചെയ്തികളും ഡയലോഗ് ഡെലിവറിയും കൊണ്ട് ചിരിപ്പിച്ചത് ആ എസിപി കഥാപാത്രമാണ്.
അടുത്ത പേജില്‍ -
നാന്‍ സിഗപ്പു മനിതന്‍ ആവര്‍ത്തിച്ചു!
