തനിക്ക് വേണ്ടി കീജയ് വിളിക്കാൻ ആരേയും ഏർപ്പെടുത്തിയിട്ടില്ലെന്ന് മമ്മൂട്ടി പ‌റഞ്ഞ കഥ ഓർമപ്പെടുത്തി നിർമാതാവും വിതരണയുടമയുമായ എം എം ഹംസ. കോട്ടയത്ത് അനശ്വര തിയേറ്ററില്‍ നടന്നുവരുന്ന 4-ആമത് രാജ്യാന്തര ചലച്ചിത്രമേളയോട് അനുബന്ധിച്ചുനടന്ന ഓപ്പണ്‍ ഫോറത്തിലായി‌രുന്നു ഹംസയുടെ വെളിപ്പെടുത്തൽ. ആ കഥ ഇങ്ങനെ:

'ഒരിക്കല്‍ ഖത്തറില്‍ മമ്മൂട്ടി ഉണ്ടായിരുന്നപ്പോള്‍ 170 കിലോമീറ്റര്‍ ദൂരെ നിന്നും കുറെ ചെറുപ്പക്കാരും പെണ്‍കുട്ടികളും ജോലിയും കളഞ്ഞ് മമ്മൂട്ടിയെ കാണണമെന്ന് പറഞ്ഞ് ഹോട്ടലില്‍വന്നു. മമ്മൂട്ടിക്ക് പിറന്നാള്‍ സമ്മാനവുമായിട്ടായിരുന്നു അവരുടെ വരവ്. അതിനായി കൈവശം ഒരു കേക്കുമുണ്ടായി‌രുന്നു. മമ്മൂട്ടി ഈ വിവരം അറിഞ്ഞിട്ടും അവരെ കാണാന്‍ കൂട്ടാക്കിയില്ല. എനിക്ക് കീജയ് വിളിക്കാന്‍ ഞാനാരോടും പറഞ്ഞിട്ടില്ലെന്ന് മമ്മൂട്ടി പറഞ്ഞു. അവര്‍ അക്ഷമയോടെ കുറെസമയം കൂടി കാത്തുനിന്നിട്ട് കേക്ക് വലിച്ചെറിഞ്ഞിട്ട് പോയി'. - ഹംസ പറയുന്നു.