മമ്മൂട്ടിയെ ജോഷി വേണ്ടെന്നുവയ്ക്കുന്നതെന്തിന്?

ചൊവ്വ, 27 ഫെബ്രുവരി 2018 (13:51 IST)

മമ്മൂട്ടി, ജോഷി, ഷാജി കൈലാസ്, രണ്‍ജി പണിക്കര്‍, Mammootty, Joshiy, Shaji Kailas, Renji Panicker

മമ്മൂട്ടിയും സംവിധായകന്‍ ജോഷിയും ഒന്നിക്കുന്ന ഒരു സിനിമ ഇനി എന്ന് സംഭവിക്കും? അതോ അങ്ങനെയൊരു സിനിമ ഇനി ഉണ്ടാകില്ലേ? ഈ കോമ്പിനേഷനെ അത്രയേറെ സ്നേഹിക്കുന്നവര്‍ ഏറേക്കാലമായി ഈ ചോദ്യം ചോദിച്ചുതുടങ്ങിയിട്ട്. എന്നാല്‍ അതിന് വ്യക്തമായൊരു ഉത്തരം നല്‍കാന്‍ ആരും തയ്യാറല്ല. 
 
‘നസ്രാണി’യാണ് ജോഷി - മമ്മൂട്ടി ടീം അവസാനമായി ചെയ്ത ചിത്രം. ആ സിനിമ ഒരു ശരാശരി വിജയം മാത്രമായിരുന്നു. അതിന് ശേഷം ജോഷി കൂടുതലും മോഹന്‍ലാലുമൊത്താണ് സിനിമ ചെയ്തത്. പലതവണ മമ്മൂട്ടി - ജോഷി പ്രൊജക്ട് വരുന്നതായി റിപ്പോര്‍ട്ടുകള്‍ വന്നെങ്കിലും അതൊന്നും യാഥാര്‍ത്ഥ്യമായില്ല. ഇരുവരും തമ്മില്‍ കടുത്ത പിണക്കത്തിലാണോ എന്നാണ് ഇപ്പോള്‍ ആരാധകര്‍ സംശയിക്കുന്നത്. 
 
‘ന്യൂഡെല്‍ഹി’ എന്ന ഒരൊറ്റ സിനിമ മതി മമ്മൂട്ടി - ജോഷി കൂട്ടുകെട്ടിന്‍റെ മഹത്വം മനസിലാക്കാന്‍. മമ്മൂട്ടിക്ക് തുടര്‍ പരാജയങ്ങള്‍ സംഭവിച്ചുകൊണ്ടിരുന്ന കാലത്താണ് ന്യൂഡെല്‍ഹി സംഭവിക്കുന്നത്. അത് മമ്മൂട്ടിയുടെ പുനര്‍ജന്‍‌മമായിരുന്നു. പിന്നീട് മമ്മൂട്ടിക്കും ജോഷിക്കും തിരിഞ്ഞുനോക്കേണ്ടിവന്നിട്ടില്ല. 
 
1983ല്‍ പുറത്തിറങ്ങിയ ‘ആ രാത്രി’ ആണ് മമ്മൂട്ടി - ജോഷി ടീമിന്‍റെ ആദ്യ സിനിമ. അതിന് ശേഷം 20 വര്‍ഷക്കാലം ഈ ടീം അക്ഷരാര്‍ത്ഥത്തില്‍ പ്രേക്ഷകരെ ത്രില്ലടിപ്പിച്ചു. കൊടുങ്കാറ്റ്, ഭൂകമ്പം, കോടതി, അലകടലിനക്കരെ, മുഹൂര്‍ത്തം 11.30ന്, മിനിമോള്‍ വത്തിക്കാനില്‍ തുടങ്ങി വമ്പന്‍ ഹിറ്റുകളുടെ നിര. 
 
ശേഷം മമ്മൂട്ടിയും ജോഷിയും ഡെന്നീസ് ജോസഫിന്‍റെ തിരക്കഥകളില്‍ സിനിമ ചെയ്യാന്‍ ആരംഭിച്ചു. നിറക്കൂട്ട് ആയിരുന്നു ആദ്യത്തെ വലിയ വിജയം. ന്യായവിധി, ശ്യാമ, വീണ്ടും തുടങ്ങിയ ചിത്രങ്ങള്‍ പിന്നീടെത്തി. ഒടുവില്‍ ന്യൂഡെല്‍ഹി!
 
സന്ദര്‍ഭം, തന്ത്രം, ദിനരാത്രങ്ങള്‍, സംഘം, നായര്‍സാബ്, മഹായാനം, നമ്പര്‍ 20 മദ്രാസ് മെയില്‍, കുട്ടേട്ടന്‍, ഈ തണുത്ത വെളുപ്പാന്‍കാലത്ത്, കൌരവര്‍, ധ്രുവം, സൈന്യം, ദുബായ്, പോത്തന്‍ വാവ, ട്വന്‍റി20, നസ്രാണി എന്നിങ്ങനെ മമ്മൂട്ടി - ജോഷി ടീമിന്‍റെ സിനിമകള്‍ തുടരെയെത്തി.
 
മമ്മൂട്ടിയുടെ ഏറ്റവുമധികം ചിത്രങ്ങള്‍ സംവിധാനം ചെയ്തതിന്‍റെ റെക്കോര്‍ഡ് ജോഷിയുടെ പേരിലാണ് - 34 സിനിമകള്‍. പലതും മെഗാഹിറ്റുകള്‍. ഈ ടീമിന്‍റെ പുതിയ സിനിമ ഇനി എന്നുണ്ടാകും? കാത്തിരിക്കാം.



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

തിയേറ്ററിൽ ഏറ്റവും അധികം കൈയ്യടി കിട്ടുന്ന ചിത്രമായിരിക്കും കാളിയൻ: പൃഥ്വിരാജ്

തനിക്ക് തിയേറ്ററുകളിൽ നിന്നും ഏറ്റവും അധികം കൈയ്യടി ലഭിക്കുന്ന ചിത്രമായിരുന്നു 'കാളിയൻ' ...

news

കര്‍ണന്‍ പോയെങ്കില്‍ പോകട്ടെ, പൃഥ്വിരാജ് ‘കാളിയന്‍’ പ്രഖ്യാപിച്ചു!

പൃഥ്വിരാജ് നായകനാകുന്ന ബ്രഹ്‌മാണ്ഡ ചിത്രം ‘കാളിയന്‍’ ഔദ്യോഗികമായി പ്രഖ്യാപിച്ചു. മലയാള ...

news

100 കോടി ക്ലബിനായി മമ്മൂട്ടിച്ചിത്രം!

പുലിമുരുകന്‍ മലയാള സിനിമയ്ക്ക് ലഭിച്ച ഉണര്‍വ്വായിരുന്നു. 100 കോടി ക്ലബില്‍ എന്നെങ്കിലും ...

news

മമ്മൂട്ടിയും മോഹന്‍ലാലും വീണ്ടും ഒന്നിക്കുന്നു, സംവിധാനം മണിരത്നം !

മമ്മൂട്ടിയും മോഹന്‍ലാലും വീണ്ടും ഒരുമിച്ച് അഭിനയിക്കുന്നതായി സൂചന. മണിരത്നം സംവിധാനം ...

Widgets Magazine