Last Modified ശനി, 10 ജനുവരി 2015 (10:40 IST)
പ്രേക്ഷകര്‍ ആവേശത്തോടെ കാത്തിരുന്ന വിക്രം നായകനാകുന്ന ശങ്കര്‍ ചിത്രം ബുധനാഴ്ചതന്നെ റിലീസാകും. സിനിമയുടെ നിര്‍മ്മാതാവും പിക്ചര്‍ ഹൌസ് മീഡിയയും തമ്മിലുള്ള തര്‍ക്കം പരിഹരിച്ചതിനെത്തുടര്‍ന്നാണിത്.
വാര്‍ത്താകുറിപ്പിലൂടെയാണ് പിക്ചര്‍ ഹൌസ് മീഡിയ ഇക്കാര്യം അറിയിച്ചത്. സിനിമയുടെ റിലീസിന് തങ്ങള്‍ സഹകരിക്കുമെന്നും പിക്ചര്‍ ഹൌസ് പറഞ്ഞു.
നേരത്തെ പിക്ചര്‍ ഹൌസ് സമര്‍പ്പിച്ച ഹര്‍ജിയില്‍ ചിത്രത്തിന്റെ റിലീസ് കോടതി തടഞ്ഞിരുന്നു. ഈ മാസം 30 വരെ ചിത്രം റിലീസ് ചെയ്യരുതെന്നാണ് കോടതി ഉത്തരവിട്ടിരിന്നത്. ഈ കാലയളവിനുള്ളില്‍ പ്രശ്നം പരിഹരിക്കണമെന്നും കോടതി നിര്‍ദ്ദേശിച്ചിരുന്നു.
180 കോടിയോളം രൂപ ചെലവഴിച്ച് നിര്‍മ്മിച്ച ചിത്രം അന്യന്‍ എന്ന സൂപ്പര്‍ഹിറ്റിന് ശേഷം ഷങ്കറും വിക്രമും ഒരുമിക്കുന്ന ചിത്രമാണ്.ചിത്രത്തിന്റെ ട്രെയിലറിനും ഗാനങ്ങള്‍ക്കും വന്‍ വന്‍ വരവേല്‍പ്പാണ് സോഷ്യല്‍ മീഡിയയിലും യുട്യൂബിലും ഇതിനോടകം ലഭിച്ചത്.
ചിത്രത്തില്‍ അമി ജാക്സണാണ് വിക്രമിന്റെ നായികയായെത്തുന്നത്. മലയാളിതാരം സുരേഷ് ഗോപിയും ചിത്രത്തില്‍ പ്രധാന വേഷം അവതരിപ്പിക്കുന്നുണ്ട്. ഉപന്‍ പട്ടേല്‍,സന്താനം,മോഹന്‍ കപൂര്‍ എന്നിവരാണ് ചിത്രത്തിലെ മറ്റ് താരങ്ങള്‍. വി.രവിചന്ദ്രനാണ് ചിത്രം നിര്‍മ്മിച്ചിരിക്കുന്നത്. എ.ആര്‍ റഹ്മാനാണ് സംഗീതം നിര്‍വ്വഹിച്ചിരിക്കുന്നത്.
മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ
ക്ലിക്ക്
ചെയ്യുക.
ഫേസ്ബുക്കിലും
ട്വിറ്ററിലും പിന്തുടരുക.
