മെഗാസ്റ്റാർ മമ്മൂട്ടിയുടെ നല്ല സ്റ്റൈലന്‍ അധോലോക ഇടിപ്പടമാണ് ബിഗ് ബി. അതുപോലൊരു ഇടിപ്പടം വരുന്നുണ്ടെന്ന് കേട്ടപ്പോൾ മമ്മൂട്ടി ആരാധകർ ആവേശത്തിലായിരുന്നു. എന്നാൽ, ആഷിഖ് അബു സംവിധാനം ചെയ്ത ആ ഇടിപ്പടം എട്ടു നിലയിൽ പൊട്ടുകയായിരുന്നു ചെയ്തത്.

ഡാഡി കൂൾ എന്ന സിനിമയി‌ലൂടെ സ്വതന്ത്ര സംവിധായകനായ ആഷിഖ് അബു സംവിധാനം ചെയ്ത ചിത്രമായിരുന്നു ഗാങ്സ്റ്റർ. വൻ പ്രതീക്ഷയിലായിരുന്നു ആഷിഖ് അബു മമ്മൂട്ടിയെ വെച്ച് ഡാഡികൂൾ ചെയ്തത്. എന്നാൽ, ചിത്രം വേണ്ടത്ര വിജയിച്ചിരുന്നില്ല. മമ്മൂട്ടിയുമായി ഇരു രണ്ടാം വരവിനൊരുങ്ങിയ ആഷിഖ് ആബുവിന്റെ സകല പ്രതീക്ഷകളും തകർത്തുകൊണ്ട് ഗാങ്സ്റ്റർ എട്ടു നിലയിൽ പൊട്ടി.

മമ്മൂട്ടിയെന്ന നടന്റെ സാന്നിധ്യമുണ്ടായിട്ടും ഗാങ്സ്റ്റർ പരാജയപ്പെട്ടതു താൻ കാണികളെ വിലകുറച്ചു കണ്ടതുകൊണ്ടാണെന്ന് ആഷിഖ് അബു വർഷങ്ങൾക്ക് ശേഷം തുറന്നു പറയുന്നു. ഗാങ്സ്റ്റർ പരാജയപ്പെട്ടതിൽ മറ്റൊരാൾക്കും ഉത്തരവാദിത്വമില്ലെന്ന് ആഷിഖ് മനോരമ ഓൺലൈനു നൽകിയ അഭിമുഖത്തിൽ പറയുന്നു. കാണികളുടെ നിലവാരത്തെ സംവിധായകൻ എന്ന നിലയിൽ താൻ ചോദ്യം ചെയ്തതുകൊണ്ടാണ് ആ ചിത്രം പരാജയപ്പെട്ടതെന്ന് ആഷിഖ് തുറന്നു പറയുന്നു.