പ്രണവ് മോഹൻലാൽ നായകനായ ജീത്തു ജോസഫ് ചിത്രം ‘ആദി’ യൂറോപ്യൻ രാജ്യങ്ങളിലേക്ക്. ഈ മാസം 16ന് ബ്രിട്ടനിലും തുടര്‍ന്ന് യൂറോപ്പിലെ മറ്റു 13 രാജ്യങ്ങളിലുമാണ് ചിത്രം ഒരേസമയം റിലീസ് ചെയ്യുക.

ഓസ്ട്രിയ, ബൽജിയം, ഡെൻമാർക്ക്, ഫ്രാൻസ്, ജർമനി, ഹംഗറി, അയർലൻഡ്, ഇറ്റലി, മാൾട്ട, നെതർലൻഡ്, സ്വീഡൻ, സ്വിറ്റ്സർലൻഡ്, യുക്രെയിൻ എന്നിവിടങ്ങളിലാണ് ചിത്രം പ്രദർശിപ്പിക്കുക. ആർഎഫ്ടി ഫിലിംസാണ് യൂറോപ്പിൽ പ്രദർശനത്തിന് എത്തിക്കുന്നത്.

യൂറോപ്പിലെ റിലീസിനോട് അനുബന്ധിച്ച് സിനിമയുടെ റിലീസ് വിവരങ്ങൾ സമൂഹമാധ്യമങ്ങളിലൂടെ പ്രചരിപ്പിക്കാൻ വിതരണക്കാര്‍ നീക്കം ആരംഭിച്ചു. കേരളത്തില്‍ റെക്കോര്‍ഡ് വിജയം നേടിയ ആദി യൂറോപ്പ്യന്‍ രാജ്യങ്ങളിലും വിജയമാകുമെന്നാണ് വിതരണക്കാര്‍ അഭിപ്രായപ്പെടുന്നത്.

മോഹന്‍‌ലാലിനെ മുന്‍‌നിര്‍ത്തിയുള്ള പ്രചാരണ പരിപാടികള്‍ക്കാണ് അധികൃതര്‍ ശ്രമിക്കുന്നത്.