ഇന്ത്യന്‍ ക്രിക്കറ്റ് ടീം പരിശീലകസ്ഥാനത്ത് നിന്നും അനില്‍ കുംബ്ലെയെ പുറത്താക്കിയ രീതിയില്‍ അതൃപ്‌തി പ്രകടിപ്പിച്ച് മു​ൻ നാ​യ​ക​ൻ രാ​ഹു​ൽ ദ്രാ​വി​ഡ് രംഗത്ത്. ഇന്ത്യന്‍ ടീമിന് നിരവധി വിജയങ്ങള്‍ സമ്മാനിച്ച ഇതിഹാസ താരമാണ്
കുംബ്ലെ. അദ്ദേഹത്തെ അപമാനിച്ച് പരിശീലകസ്ഥാനത്തു നിന്നും നീക്കിയത് ശരിയായില്ലെന്നും ബം​ഗ​ളൂ​രു ലി​റ്റ​റേ​ച്ച​ർ ഫെ​സ്റ്റി​വ​ലി​നി​ടെ ദ്രാവിഡ് വ്യക്തമാക്കി.

പരിശീലകരേക്കാള്‍ സ്വാധീനമുള്ളവരാണ് കളിക്കാര്‍. ഇരുവരും തമ്മില്‍ എന്തെങ്കിലും പ്രശ്‌നങ്ങള്‍ ഉണ്ടായാല്‍ പുറത്താക്കപ്പെടുന്നത് പരിശീലകനായിരിക്കും. എന്നാല്‍, ആ നടപടി ഔ​ചി​ത്യ​പ​ര​മാ​യി ചെ​യ്യേ​ണ്ട​താ​ണ്. ഇ​ന്ത്യ​യു​ടെ അ​ണ്ട​ർ 19 പ​രി​ശീ​ല​ക​നായ തന്നെയും എപ്പോള്‍ വേണമെങ്കിലും പുറത്താക്കിയേക്കം എന്നും ദ്രാവിഡ് കൂട്ടിച്ചേര്‍ത്തു.

ടീം ഇന്ത്യയില്‍ കളിച്ചപ്പോള്‍ എന്തുകൊണ്ടാണ് വിരാട് കോഹ്‌ലിയേപ്പോലെ ആക്രമണോത്സുകത കാണിക്കാതിരുന്നതെന്ന് പലരും ചോദിച്ചു. ടെ​ലി​വി​ഷ​നി​ലൂ​ടെ എ​പ്പോ​ഴും ക​ണ്ടു​കൊ​ണ്ടി​രി​ക്കു​ന്ന​തി​നാ​ല്‍ ആ​രാ​ധ​ക​ര്‍​ക്കു​ണ്ടാ​യ തെ​റ്റു​ധാ​ര​ണ​യാ​ണി​ത്. അ​തി​ന​ര്‍​ഥം മു​ന്‍​കാ​ല താ​ര​ങ്ങ​ള്‍ ഇ​ത്ര​ത്തോ​ളം ആ​ക്ര​മ​ണോ​ത്സു​ക​ര​ല്ലെ​ന്ന് അ​ര്‍​ത്ഥ​മി​ല്ലെ​ന്നും ദ്രാ​വി​ഡ് പ​റ​ഞ്ഞു.

പരിശീലകസ്ഥാനത്തു നിന്നും കുംബ്ലെയെ നീക്കിയ നടപടിയെ വിമര്‍ശിച്ച് നിരവധി താരങ്ങള്‍ രംഗത്ത് എത്തിയിരുന്നു. കോഹ്‌ലിയുമായുള്ള പിണക്കത്തെ തുടര്‍ന്നാണ് അദ്ദേഹം പുറത്താക്കപ്പെട്ടത്. സൌരവ് ഗാംഗുലിയടക്കമുള്ളവര്‍ വിഷയത്തില്‍ ഇടപെട്ടുവെങ്കിലും കുംബ്ലെയെ പുറത്താക്കണമെന്ന നിലപാടില്‍ ഉറച്ചു നില്‍ക്കുകയായിരുന്നു കോഹ്‌ലി.