10 വര്‍ഷം നീണ്ട അന്താരാഷ്ട്ര കരിയറില്‍ 46 ടെസ്റ്റുകള്‍ കളിച്ചിട്ടുള്ള അക്തര്‍ 178 വിക്കറ്റുകളും 144 ഏകദിനങ്ങളില്‍ നിന്ന് 223 വിക്കറ്റുകളും സ്വന്തമാക്കിയിട്ടുണ്ട്. എന്നാല്‍ സ്വന്തം പ്രതിഭയോടു 50 ശതമാനമെങ്കിലും നീതി പുലര്‍ത്താന്‍ അക്തറിനായിരുന്നെങ്കില്‍ ഇതിലും എത്രയോ വലിയ നേട്ടങ്ങള്‍ സ്വന്തമാക്കാനാവുമായിരുന്നു. പാകിസ്ഥാന്‍ ക്രിക്കറ്റിലെ ഒരു മുടിയനായ പുത്രനായി അക്തറിന്‍റെ കരിയര്‍ ഒടുങ്ങുമോ അതോ വീണ്ടുമൊരു കൊടുങ്കാറ്റായി അക്തര്‍ ബൌളിംഗ് ക്രീസിലേക്ക് ഓടിയടുക്കുമോ എന്നാണ് ഇപ്പോള്‍ ക്രിക്കറ്റ് ലോകം ഉറ്റുനോക്കുന്നത്.
