വിപണിയിൽ പ്രദർശിപ്പിച്ചതിന് പിന്നാലെ കിഗെറിനായുള്ള അനൗദ്യോഗിക ബുക്കിങ് ആരംഭിച്ച് ഫ്രഞ്ച് വാഹന നിർമ്മാതാക്കളായ റെനോ. ഡീലർഷിപ്പുകളിലൂടെ ബുക്കിങ് ആരംഭിച്ചതായാണ് റിപ്പോർട്ടുകൾ. 10,000 മുതൽ 20,000 രൂപ വരെ മുൻകൂറായി സ്വീകരിച്ചാണ് ബുക്കിങ് നൽകുന്നത് എന്നാണ് വിവരം. വിപണിയിൽ പ്രദശിപ്പിച്ചു എങ്കിലും വാഹനത്തിന്റെ വില റെനോ പ്രഖ്യാപിച്ചിട്ടില്ല. മാർച്ചിലായിരിയ്ക്കും കിഗെറിനെ വിപണിയിൽ അവതരിപ്പിയ്ക്കുക. അവതരണ വേളയിൽ തന്നെയാവും വിലയും പ്രഖ്യാപിയ്ക്കുക.

നവംബറിൽ പ്രദർശിപ്പിച്ച പ്രൊഡക്ഷൻ മോഡലിന് സ്മാനമായ ഡിസൈനുള്ള വാഹനം തന്നെയാണ് റെനോ വിപണിയിൽ അൺവീൽ ചെയ്തത്. ക്വിഡിലേതിന് സമാനമായി രണ്ടായി ഭാഗിച്ച ഹെഡ് ലാമ്പുകൾ, 16 ഇഞ്ച് അലോയ് വിലുകൾ പിന്നിൽ സി ആകൃതിയിലുള്ള ടെയിൽ ലാമ്പ് എന്നിവ എക്സ്റ്റീരിയറിലെ പ്രധാന സവിശേഷതകളാണ്. 72 പിഎസ് പവറും 96 എന്‍എം ടോര്‍ക്കും നിര്‍മ്മിക്കുന്ന ട്രൈബറിലെ 1.0 ലിറ്റര്‍ 3 സിലിണ്ടര്‍ പെട്രോള്‍, 100 എച്ച്‌പി പവറും 160 എന്‍എം ടോക്കും ഉത്പാദിപ്പിക്കുന്ന 1.0 ലിറ്റര്‍ 3 സിലിണ്ടര്‍ ടര്‍ബോ പെട്രോള്‍ എഞ്ചിനുകളിലാണ് കിഗെർ വിപണിയിൽ എത്തിയിരിയ്ക്കുന്നത്.